Elimizde alǵash ret ákimshilik ister boıynsha raqymshylyq jasalady. Bul týraly keshe Memleket basshysy Qasym-Jomart Toqaev Konstıtýsııany qabyldaýǵa arnalǵan saltanatty jıynda aıtty. Al búgin Úkimet basshysy Oljas Bektenov Ishki ister jáne Ádilet mınıstrlikterine Bas prokýratýramen birlesip, eki apta ishinde raqymshylyq jasaý tetikteri boıynsha egjeı-tegjeıli usynys engizýdi tapsyrdy, dep jazady Egemen.kz.
Premer-mınıstr Oljas Bektenov Prezıdent jańa Konstıtýsııanyń qabyldanýyna baılanysty azamattar men memlekettiń qaýipsizdigine qater tóndirmeıtin birqatar quqyq buzýshylyq boıynsha raqymshylyq jasaý týraly bastama kóterip otyrǵanyn atap ótti.
Elimizde alǵash ret ákimshilik ister boıynsha raqymshylyq jasalady
«Keshe Prezıdent jańa Konstıtýsııanyń qabyldanýyna baılanysty azamattar men memlekettiń qaýipsizdigine qater tóndirmeıtin birqatar quqyqbuzýshylyq boıynsha raqymshylyq jasaý týraly bastama kóterdi. Ákimshilik ister boıynsha raqymshylyq týraly bastama el tarıhynda alǵash ret kóterilip otyrǵanyn atap ótemin. Ishki ister jáne Ádilet mınıstrlikteri Bas prokýratýramen birlesip, eki apta ishinde raqymshylyq jasaý tetikteri boıynsha egjeı-tegjeıli usynys engizsin», dedi Premer-mınıstr.
Mınıstrlik mektep baǵdalamasyn qalaı ózgertpek?
Al Ishki ister mınıstri Erjan Sadenov raqymshylyq aýyr qylmys jasaǵan adamdarǵa qoldanylmaıtynyn atap ótti.
Sonymen qatar qazaqstandyqtardyń aıyppuldaryn esepten shyǵarý múmkindigi de qarastyrylýy múmkin.
Jeke tulǵalardyń tólenbegen aıyppuldaryn tolyq nemese ishinara esepten shyǵarý máselesin qarastyrý josparlanyp otyr. Mundaı tulǵalardyń sanattary, aıyppuldardyń kólemi jáne olardy esepten shyǵarý tártibi zań jobasyn daıyndaý kezinde ýákiletti organ tarapynan jan-jaqty pysyqtalmaq.
Ádilet mınıstri: 5 derbes konstıtýsııalyq zańdy ázirleý bastaldy