Jeńildetilgen avtonesıelerdi qarjylandyrý baǵdarlamasy boıynsha ótinimdi «Eýrazııalyq bank» AQ jáne «Qazaqstan Halyq Banki» AQ bankteri qabyldaıdy, dep habarlaıdy Egemen.kz.
«О́nerkásipti damytý qory» AQ-nyń baspasóz qyzmeti habarlaǵandaı, atalǵan eki bank bólingen lımıtterdi tolyǵymen ıgermegen. Búgingi tańda olarǵa kezekti transhtar bólindi:
«Eýrazııalyq bank» AQ – 10 mlrd teńge;
«Qazaqstan Halyq Banki» AQ – 7,5 mlrd.
Osylaısha, baǵdarlama aıasynda qatysýshy bankterge 90 mlrd teńge aýdaryldy. Onyń ishinde:
«Eýrazııalyq bank» AQ – 25 mlrd teńge;
«Bank Sentr Kredıt» AQ – 27,5 mlrd teńge;
«Qazaqstan Halyq Banki» AQ – 22,5 mlrd teńge;
«Forte Bank» AQ – 15 mlrd teńge aýdaryldy.
Bólingen transh ıgerilgennen keıin 10 mlrd teńge kólemindegi qalǵan lımıt «Eýrazııalyq bank» AQ-ǵa bólinedi.
Búgingi tańda qatysýshy bankter jalpy somasy 82 mlrd teńgege 10 888 ótinimdi maquldap, 4 847 avtokólikti shyǵarǵan.
«Jalpy somasy 90 mlrd teńgeniń bólinbegen lımıti 8 mlrd teńgeni quraıdy. Bul soma sheginde avtonesıe alýǵa ótinishterdi tek «Eýrazııalyq bank» AQ men «Qazaqstan Halyq Banki» AQ qabyldaıdy. Baǵdarlamaǵa qatysýshy qalǵan bankter bólingen lımıtterdi tolyǵymen ıgerdi», delingen Qor habarlamasynda.
Jańa avtonesıelerdi odan ári berýdi qatysýshy bankter bastapqy qaryz alýshylardyń ótelgen kredıttik tólemderi esebinen revolverlik nesıeleý mehanızmi sheńberinde júzege asyrady.