Elordada №2 Kópbeıindi qalalyq balalar aýrýhanasynyń kombýstıolog-mamandary jalynnan termııalyq kúıgen tórt jasar pasıentke biregeı operasııa jasady. Bala denesiniń 50%-y zardap shekken. Kúıik saldarynan moıynnyń, eki ıyq pen bilek býyndarynda qozǵalysty shekteıtin tereń tyrtyq qalǵan. Ota pasıentke MÁMS júıesi boıynsha tegin jasaldy.
«Áleýmettik medısınalyq saqtandyrý qory» KeAQ Nur-Sultan qalasy boıynsha fılıaly baspasóz qyzmetiniń habarlaýynsha, bala qatty kúıgen, keıinnen bastyń qozǵalysyn shekteıtin tereń tyrtyq qalǵan. Kúıiktiń saldarynan moıynnyń, deneniń, eki qoldyń gıpertrofııalyq tyrtyqtary, 3-dárejeli moıyn kontraktýrasy, 2-dárejeli ıyq býyndarynyń kontraktýrasy bolǵan.
№2 Kópsalaly qalalyq balalar aýrýhanasy kombýstıologııa bólimshesiniń meńgerýshisi Baqythan Saǵıdoldanyń aıtýynsha, balada moıynnyń, keýdeniń, eki ıyq býynynyń, eki bilektiń medıaldy aldyńǵy betinde bozǵylt-qyzǵylt tústi gıpertrofııalyq tyrtyqtar baıqalǵan.
«Iek keýdege dánekerlengen, bet deformasııasy bar. Erinniń tómengi bóligi tómengi jaqtyń tisteri ashylǵanda tómen qaraı jyljıdy, tereń tyrtyqtyń konglomeratyna baılanysty moıny qatyp qalǵan. Basyn ári-beri bura almaıdy. Keýde qýysynyń aldyńǵy betinde jáne eki ıyqta da «jetkendi» tereń gıpertrofııalyq tyrtyqtar paıda bolǵan. Sonyń saldary eki ıyq býyndarynyń kontraktýrasyna alyp kelgen. Iyq býyndary 90 gradýsqa burylady», dep túsindirdi ol.
Elorda aýrýhanasynda emdelýshiniń moıyny tyrtyqtaryn kesip, moıynnyń jetekshi kontraktýrasyn túzetetin, aıaǵyndaǵy teri-maı synyqtaryn nárlendiretin plastıka jasaldy.
«Otadan keıingi erte kezeńde pasıentte oryn aýystyrǵan qaqpaqshalardyń tolyq kirikkeni baıqalady, basyndaǵy qatty kúıi túzelgen, operasııadan keıingi jaralar jazyla bastaǵan. Qoldanylǵan emdeý ádisi otanyń birinshi kezeńinen keıin jaqsy fýnksıonaldy nátıjege qol jetkizýge múmkindik berdi. Keıinnen kosmetıkalyq aqaýlardy túzetý úshin hırýrgııalyq ota jasalady. Naýqastyń anasy balasyn shilde aıynda bizge taǵy alyp keledi jáne emdeýdi jalǵastyrady dep úmittenemiz», dep túıindedi dáriger.
Termııalyq kúıikter medısınanyń eń kúrdeli máseleleriniń biri bolyp qala beredi. Bul onyń paıda bolý jıiligine, emdeýdiń qıyndyǵyna jáne qolaısyz saldarǵa baılanysty. Kúıik jaraqatynyń jıi kezdesetin saldarynyń biri – gıpertrofııalyq tyrtyqtardyń paıda bolýy. Kúıikten keıingi tyrtyqtardy emdeý problemasy qazirgi ýaqytta áli de ózekti. Aýyr kúıikterdi emdeýde qol jetkizilgen úlken jetistikterge qaramastan, tyrtyqty deformasııalar men kontraktýralary bar naýqastar sany az emes. Osyǵan baılanysty 2013 jyly №2 Kópsalaly qalalyq balalar aýrýhanasynda kúıik bólimshesi ashylǵan bolatyn, onda kúıik saldarynan tereń dene jaraqattary uzaq ýaqyt jazylmaǵan balalarǵa mamandandyrylǵan kombýstıologııalyq kómek kórsetiledi.