Gazettiń burnaǵy kúngi sanynda Atyraý oblysyndaǵy Isataı aýdandyq ishki ister bóliminiń basshysyna qatysty para alý deregimen qylmystyq istiń qozǵalǵanyn habarlaǵan edik. «Qýyrdaqtyń kókesin túıe soıǵanda kóresiń» degendeı, ol jaýaptaý barysynda óziniń densaýlyǵynyń nasharlaǵany jóninde shaǵymdanypty. Kúdiktiniń shaǵymyna baılanysty medısınalyq jedel járdem shaqyrtylǵan. Dárigerler polısııa bólimi basshysynyń qan qysymynyń joǵarylaǵanyn anyqtap, ony Atyraý qalalyq aýrýhanasyna jetkizipti. Mine, osyndaı sebeppen kúdiktige qatysty is júrgizýde májbúrlep ustaý túrindegi, sondaı-aq, tutqynǵa alý sharasy alynbaǵan.
Al zańsyz balyq aýlaýshyǵa qamqorlyq tanytty delingen kúdikti ózine dárigerlik kómek kórsetilgen soń, aýrýhanadan ketip qalǵan jáne belgisiz baǵytta jasyrynǵan. Oblystyq ekonomıkalyq qylmysqa jáne sybaılas jemqorlyqqa qarsy kúres departamenti dál osylaı habarlama taratty. Sonda bul neni bildiredi? Iri kólemde para alǵan polıseı basshysy qolymen istegenin moınymen kóterýden jasqandy ma? Álde onyń tergeýden jasyrynýyna bireýler múddeli bolyp otyr ma?
Joldasbek ShО́PEǴUL,
«Egemen Qazaqstan».
Atyraý oblysy.