Qalıbek Qýanyshbaev atyndaǵy memlekettik akademııalyq qazaq mýzykalyq drama teatry shilde aıynyń 2-si jáne 4-i kúnderi «HAT» fılosofııalyq dramasynyń permerasyn usynady, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Shilde aıynyń 2 jáne 4 juldyzynda Qallekı teatrynyń ujymy kórermender nazaryna Erık-Emmanıýel Shmıttiń «Oskar jáne Alqyzyl bıkesh» shyǵarmasynyń jelisimen sahnalanǵan «HAT» fılosofııalyq dramasynyń premerasyn usynady. Týyndyny qazaq tiline aýdarǵan - Qýat Ejembek. Qoıýshy rejısseri – Racha Mahataev. Qoıýshy sýretshi – Ilshat Vıldanov. Horeograf – Asan Boranchın.
«Oskar jáne Alqyzyl bıkesh» shyǵarmasy keń taralǵan týyndylardyń biri. Fransýz jazýshysy Erık-Emmanıýel Shmıttiń atalǵan týyndysynda qoǵamdaǵy ózekti máseleler qozǵalady. Adamdardyń boıynan meıirim, qaıyrym, súıispenshilik qasıetteri joǵalǵan qazirgi ýaqytta, bul shyǵarmanyń mańyzy, máni zor bolmaq.
Spektakldiń janry – fılosofııalyq drama. Muny tamashalaǵan patsha kóńil kórermen rýhanı azyq alyp, taǵylym tanyp, oı túıeri anyq», delingen habarlamada.
Spektakldiń eki akterlik quramy bar. Birinshi quramda jas aktrısa Inabat Ábenova, Qazaqstannyń eńbek sińirgen artısi Janat Chaıkına, Erǵulan Janpeıisov, Qazaqstan Jastar Odaǵy «Serper» syılyǵynyń laýreaty Tańsulý Batalova, Qazaqstannyń eńbek sińirgen qaıratkeri Asylbek Qapaev, Dınara Egýbaeva, Qazaqstan Jastar Odaǵy «Serper» syılyǵynyń laýreaty Saıa Toqmanǵalıeva, ekinshi quramda QR «Daryn» Memlekettik Jastar syılyǵynyń laýreaty Altyngúl Serkebaeva, «Qurmet» ordeniniń ıegeri Maıra Omar, Ersin Aıtmuqash, Araı Omarova, Samat Baıyrov, Amıra Omarova, Janar Qasymova.
Toǵanbek Aıana