TALDYQORǴAN. 28 sáýir. Almaty-Bishkek avtojolynda oryn alǵan jol-kólik oqıǵasy saldarynan bes adam qaza boldy, taǵy 2 adam ártúrli dene jaraqatyn aldy. Bul týraly Almaty oblysy ishki ister departamentiniń baspasóz qyzmeti habarlady.
Departament baspasóz qyzmetiniń málimdeýinshe, Leksýs-470» kóligi aýdarylǵan jol-kólik oqıǵasy respýblıkalyq joldan 56 shaqyrym jerdegi Jambyl aýdanynyń Uzynaǵash aýylynyń mańynda tirkelgen.
«Apat ornynda kólikti júrgizgen 47 jasar áıel men onyń úsh jolaýshysy birden qaza tapty. Úsh er adam jaqyn mańdaǵy aýrýhanaǵa jetkizildi, olardyń bireýi dárigerlerdiń kórsetken kómegine qaramastan, esin jımaǵan kúıi jantásilim etti. Ekeýi dárigerlerdiń baqylaýynda» - delingen habarlamada.
Atalmysh jol-kólik oqıǵasyna baılanysty qylmystyq is qozǵaldy.
Qurysh Nurymbet.
Derekkóz: Almaty IID baspasóz qyzmeti.
Foto: Almaty IID baspasóz qyzmeti.