QR Prezıdenti Qasym-Jomart Toqaevtyń Úkimettiń keńeıtilgen otyrysynda aıtqan synynan keıin «Samuryq-Qazyna» qorynyń mıssııasy qaıta qaralatyn boldy. Bul týraly Ulttyq ekonomıka birinshi vıse-mınıstri Tımýr Jaqsylyqov Úkimet otyrysynda málim etti, dep habarlaıdy Egemen.kz.
«Kvazımemlekettik sektordyń rólin qaıta qaraý sheńberinde memlekettik menshikti basqarýdy jetildirý jáne «Samuryq-Qazyna» qoryn reformalaý boıynsha jumys júrgizilip jatyr. Osy baǵyt boıynsha memleket qatysýynyń naqty ólshemi kvazımemlekettik sektor sýbektileriniń jańa synyptamasy, sondaı-aq korporatıvtik basqarýdyń jańa uıymdastyrýshylyq nysandary men modelderi aıqyndalady», dedi ol.
Aıtýynsha, «Samuryq-Qazyna» budan bylaı jeke ınvestısııalardy tartýǵa kóbirek kóńil bólýge tıis.
«Samuryq-Qazyna» qorynyń mıssııasy jeke ınvestısııalardy tarta otyryp, júıe quraýshy jobalarǵa belsendi ortaq ınvestısııalarǵa basa nazar aýdaryp, qaıta qaralady», dedi vıse-mınıstr.