Ulttyq ekonomıka birinshi vıse-mınıstri Tımýr Jaqsylyqov mınıstrlik kommýnaldyq qyzmet tarıfterin 180 kúnge kóterýge moratorıı engizgenin aıtty, dep habarlaıdy Egemen.kz.
«100-den astam tabıǵı monopolııa sýbektileriniń tarıfteri túzetildi, bul turǵyndarǵa 3,2 mıllıard teńgeden astam qarjy únemdeýge múmkindik berdi. Búgingi tańda moratorıı aıaqtaldy. Ekinshi jartyjyldyqta tarıfter osy jyldyń ınflıasııalyq dálizi aıasynda ózgeredi», dedi Tımýr Jaqsylyqov.
Tutynýshylar men tabıǵı monopolııalar sýbektileriniń múddelerin teńgerý, sondaı-aq kommýnaldyq qyzmetterge tarıfterdiń kúrt ósýine jol bermeý maqsatynda mınıstrlik mynadaı sharalardy qabyldaıdy:
qarajattyń maqsatty paıdalanylýyn baqylaý;
turǵyn úı kómeginiń tetikterin jetildirý;
óńirdegi qazirgi áleýmettik-ekonomıkalyq jaǵdaıdy eskere otyryp, árbir aımaqqa jeke kózqaras.