Qyzylorda oblysynda bıyl jiti ishek ınfeksııasyn 553 adam juqtyrǵan, dep habarlaıdy Egemen.kz.
Infeksııa juqtyrý boıynsha 104 jaǵdaı baý-baqsha ónimderimen baılanysty bolyp otyr. Jazdyń alǵashqy aılarynda óńirde turǵyndar arasynda merziminen erte pisken baqsha ónimderi men jemis-jıdekterdi tutynatyndar kóbeıgen. Bul jiti ishek ınfeksııasyn juqtyrýdyń sanyn arttyrady. Atalǵan kórsetkish ótken jylmen salystyrǵanda 81,8%-ǵa joǵary.
«Aýrýshańdyq deńgeıiniń ósý tendensııasy Qyzylorda qalasy jáne Aral men Shıeliden basqa aýdannnyń barlyǵynda baıqalǵan. Juqpaly jiti ishek aýrýlarynyń 87%-y Qyzylorda qalasynyń úlesine tıedi. Naýqastanǵandardyń 83%-y 14 jasqa deıingi balalar. Onyń ishinde 60-70%-y 2 jasqa deıingi balalar», dedi Qyzylorda oblysynyń Sanıtarııalyq-epıdemıologııalyq baqylaý departamentiniń ókilderi.
Mamandar jemister men qaýyn-qarbyzdy ruqsat etilmegen oryndardan satyp almaýǵa keńes berdi.