Elordada Astana Hub Job Fair 2022 jármeńkesi ótti. Oǵan qatysqandar jan-júregi qalaǵan jumys ornyn tabýǵa múmkindik aldy. Sondaı-aq olarǵa IT-salaǵa qajetti laıyqty qyzmetkerdi tabý, bilikti sarapshylardy tyńdaý múmkindigi usynyldy.
Eki kún ishinde qatysýshylarǵa jetekshi sheteldik jáne qazaqstandyq IT-kompanııalardan 100-ge jýyq bos jumys orny usynyldy. Olardyń qatarynda inDriver, Glovo, Binance, Ticketon.kz, Sergek, Naimi, Kazdream, IMAS sekildi belgili kompanııalar bar. Jármeńkege uzyn-sany 400-ge jýyq adam qatysqan.
Is-shara aıasynda Astana Hub Beta Career/Freelance School baǵdarlamalary týraly aıtyldy. IT Recruitment Olga Pak IT-salada jas mamandardy jaldaýdyń erekshelikteri týraly prezentasııa jasady. Al jumyspen qamtý ortalyǵynyń mamany Áıgerim Mersat jastarǵa arnalǵan memlekettik qoldaý sharalary týraly aqparatpen bólisti. Sondaı-aq usynylǵan podkasttardyń aqparaty da qyzyqty jáne paıdaly boldy. Olar sheteldik kompanııalardan qashyqtan jumys izdeýdi, sheteldik bos jumys oryndary úshin túıindemeni durys qurastyrýdy úıretti jáne sátti mansap pen ıdealdy kandıdat formýlasy týraly aıtyldy.
– Men Alem baǵdarlamalaý mektebinde oqımyn jáne kommersııalyq baǵdarlamalaý boıynsha bilimimdi jetildirýge bel býdym. Taǵylymdamadan ótýdi nemese jumys tabýdy josparlap otyrmyn. Sondyqtan osynda keldim. Munda kóptegen paıdaly aqparat aldym, – deıdi jas baǵdarlamashy Maqsat Mambetalıev.
Naimi.kz marketpleısine middle back-end ázirleýshisi, middle android developer jáne qoldaý menedjeri qajet eken. Kompanııa jas mamandardy da, tájirıbeli qyzmetkerlerdi de qarastyrmaq. Kazdream IT-holdıngi qaýipsiz jáne jaıly bolashaq qurýǵa daıyn pikirles adamdardy izdeıdi. Kompanııa jármeńkeniń nátıjesinde taǵylymdamadan ótýge nemese jumysty bastaýǵa nıetti mamandardy tapqanyn habarlady. Al InDriver kompanııasy ónim dızaınerine, Global Operations mamanyna, kontekstik jarnama menedjerine jáne basqa da mamandarǵa izdeý saldy.
– Astana Hub Job Fair memlekettik, kvazımemlekettik jáne IT-saladaǵy jeke kompanııalardy, frılanserlerdi, joǵary oqý oryndary men baǵdarlamalaý mektepteriniń stýdentterin bir arnaǵa toǵystyrdy. Jumys izdeýshiler jumys berýshilermen júzbe-júz kezdesip, qyzyqtyrǵan suraqtarǵa jaýap alyp, spıkerlerdiń keńesterin tyńdady. Jármeńke nátıjeli boldy dep aıtýǵa tolyq negiz bar, – deıdi Astana Hub atqarýshy keńsesiniń dırektory Danııa Ahmetova.
Eske sala keteıik, Astana Hub Job Fair 2022 bilikti kadrlardy izdeý turǵysynan qazaqstandyq jáne sheteldik IT-kompanııalardy qoldaý maqsatynda ótkizildi. О́mirin IT-salasymen baılanystyrǵysy keletinderge bul áleýetti jumys berýshilermen tanysý úshin jasalǵan tamasha múmkindik. Astana Hub aldaǵy ýaqytta da IT-saladaǵy HR-alańdy belsendi túrde damytýǵa nıetti.