ORTAQ ISTEGI ORTAQ USTANYM KО́RINISI

EQYU-nyń Is basyndaǵy tór­aǵasy, elimizdiń Memleket­tik hat­shysy – Syrtqy ister mınıstri Qanat Saýdabaev Aýǵanstan men Tájikstanǵa jasaǵan jumys saparyn Emomalı Rahmonmen kezdesýmen qorytyndylady. Tájik Prezıdentimen jarty saǵatqa josparlanǵan kezdesý eki saǵatqa jýyq ýaqytqa sozyldy. Kezdesý barysynda Tájikstan men EQYU arasyndaǵy ynty­maq­tastyq, atalǵan Uıymnyń osy el­degi ofısiniń jumysy áńgime óze­gine aınaldy. Osy rette EQYU-nyń Tájikstandaǵy ofısi aımaq­taǵy eń bir úlkeni sanalatynyn aıta ketken jón. Munda 200-ge tar­ta qyzmetker jumys istese, sonyń 156-sy tájik azamaty bolyp tabylady. Sondaı-aq bul elde ót­ken jyldan bastap Uıymnyń she­karashylardy daıarlaıtyn kolledji jumys isteı bastapty. Onda aı­maqtaǵy elderdiń shekara qyzmeti mamandaryn oqytý júrgizilýde. Ústimizdegi jyly atalǵan oqý or­nynda aýǵandyq shekara qyzmet­ker­lerin oqytý qolǵa alynatyny belgili boldy. Sondaı-aq aı­maqtaǵy prob­le­malar, naqty aıt­qanda, Aýǵanstan men Ortalyq Azııa­daǵy jaǵdaılar barysy tal­qyǵa salyndy. Tájik­stan Prezı­denti oryn alǵan oqı­ǵalardy tereń saralaý osyndaǵy EQYU ókildi­gi­niń jumysyna óte paıdaly bola­tynymen bólisti. So­nymen birge, E.Rahmon Uıymnyń Sam­mıtin ót­kizý­di qoldap, forým­nyń basty ta­qyryptarynyń biri Aýǵanstandaǵy jaǵdaıdy turaq­tan­dyrýǵa baǵyt­talýy qajettigin aıtty. Elimizge erekshe yqylas tany­typ kele jatqan Tájikstan Pre­zı­denti Emomalı Rah­mon Qazaqstan basshysy Nur­sul­tan Nazarbaevtyń Ortalyq Azııadaǵy kópjyldyq ın­te­gra­sııalyq jigerin, Tájikstan­daǵy daǵdarys jaǵdaıy oryn alǵan shaq­ta­ǵy eńbegin baǵa­laı­tynyn bildirdi. Tájik basshy­sy­nyń aıtýynsha, N.Nazarbaev tereń saıasatker, ondaı saıasatker post­ke­ńestik keńistikte joq. Kez kelgen má­seleni túpkilikti sara­lap, prob­le­many talqylaýda jáne ony she­shýde tabandylyq tanyta alady. Nursultan Nazarbaev tek qazaq­tarǵa, qazaqstandyqtarǵa ǵana emes, sondaı-aq Ortalyq Azııa men postkeńestik aımaqqa da kerek”, – dedi E.Rahmon aǵynan jarylyp. EQYU-nyń Is basyndaǵy tór­aǵasy Qazaqstannyń Uıymǵa  tór­aǵalyǵy aımaq úshin qundy bolyp tabylatynyn erekshe atady. Eń al­dymen, onyń jumysy Aýǵanstannan týyndaıtyn ekstremızmmen jáne terrorızmmen kúrespen baıla­nys­ty. Olaı bolsa, ústimizdegi jyly terrorızmmen kúres jónindegi konferensııa bolatyny da aıtyp ótildi. Konferensııanyń basty maq­saty Aýǵanstan men onyń aı­nalasyndaǵy, ıaǵnı aımaqtaǵy problemalardy talqyǵa salý bol­maq. Sonymen qatar, Aral máse­lesiniń de nazardan tys qalmaı­ty­ny belgili bolyp otyr. Q.Saýda­baev EQYU-ǵa múshe elderdiń Araldy ońaldyrý maqsatynda naq­ty materıaldyq úles qosý úshin do­norlyq konferensııa ótkizileti­ni­nen de habardar etti. Qoryta kelgende, Tájikstan Prezıdentimen bolǵan kezdesý nátıjeliligimen erekshelendi. Mundaı kezdesýlerdiń EQYU-nyń aımaqtaǵy ıntegrasııalyq úderis­terdi tereńdetýge ózindik úles qosa­tynyna septesetini kúmánsiz. So­nymen qatar, elimizdiń bilim berý baǵdarlamalaryn kúsheıtip, kadr­lardy daıarlaý arqyly Ortalyq Azııa men Aýǵanstandaǵy jaǵdaıdy turaqtandyrýǵa kúsh salǵan ıgi maqsatyn taǵy bir jaǵynan ashyp kórsetti. Asqar TURAPBAIULY.