Nur-Sultan qalasynda burynǵy Mádenıet mınıstri, ulttyq mýzeı dırektory Arystanbek Muhamedıulynyń isi boıynsha tergeý soty bastaldy, dep habarlaıdy Egemen.kz qalalyq sottyń baspasóz qyzmetine silteme jasap.
Sot otyrysy onlaın rejımde ótip jatyr. Qylmystyq-prosessýaldyq kodekstiń «Sotqa deıingi tergeý málimetterin jarııa etýge jol bermeý» baby boıynsha BAQ ókilderi qatysa almaıdy.
Aıta keteıik, Ulttyq mýzeıdiń dırektory Arystanbek Muhamedıuly sot sanksııasymen bıyl 28 mamyrda eki aıǵa qamalǵan bolatyn. Oǵan bıýdjet qarajatyn jymqyrdy degen aıyp taǵylǵan.