Nur-Sultan qalasynyń Investısııalar jáne kásipkerlikti damytý basqarmasy apta saıyn úı janyndaǵy dúkenderdiń áleýmettik mańyzy bar azyq-túlik taýarlarynyń baǵasyna monıtorıng júrgizdi, dep habarlaıdy Egemen.kz qala ákimdiginiń baspasóz qyzmetine silteme jasap.
Monıtorıng barysynda 1 000-nan astam dúken qamtyldy. Jumys barysynda saýda ústemesinen asyp ketý jáne kókónis pen sút ónimderin saqtaýdyń sanıtarlyq normalaryn saqtaý boıynsha buzýshylyqtar anyqtaldy.
«Qazaqstan Respýblıkasynyń«Saýda qyzmetin retteý týraly» Zańyna sáıkes kásipker taýarǵa baǵa belgisiniń bolýyn jáne shekti saýda ústemesiniń saqtalýyn qamtamasyz etýge mindetti. Basqarma baǵa belgileriniń bolmaǵany jáne saýda ústemesiniń 15%-dan asyp ketkeni úshin kásipker ákimshilik jaýapkershilikke tartylady. Sol sııaqty úı janyndaǵy dúkenderdiń ıeleri sanıtarlyq normalardy saqtaýy qajet, onyń ishinde tez buzylatyn ónimderdi saqtaý boıynsha: tońazytqysh kameralardy sóndirmeý, sút ónimderi sektoryn stellajdarmen jabdyqtaý, aýanyń tómen temperatýrasy men ylǵaldylyǵyn baqylaý, sondaı-aq saýda-sattyq kezinde belgili bir jaryq rejımin saqtaýy tıis», delingen baspasóz habarlamasynda.
Kommýnaldyq tólemderdi únemdeý elorda turǵyndarynyń densaýlyǵyna qaýip tóndiredi.