Túpqaraǵan aýdanynyń ortalyǵy Fort-Shevchenko qalasynan 68 shaqyrymdaǵy «Kógildir aılaq» teńiziniń jaǵalaýynda demalyp jatqan adamdar men olardyń avtokólikteri nóser jaýynnan paıda bolǵan seldiń astynda qaldy, dep habarlaıdy Egemen.kz Túpqaraǵan aýdany ákimdigine silteme jasap.
«24 shildede saǵat 08:28-de Fort-Shevchenko qalasynyń órt sóndirý bólimine «Kógildir aılaqtaǵy» demalýshylardan qońyraý kelip tústi. Demalys ornyna kireberiste sel paıda bolyp, avtokólikterdiń aǵyp ketkendigi týraly habarlandy. Shaqyrý túskennen soń Aqtaý qalalyq №2 mamandandyrylǵan órt sóndirý bóliminen vahtalyq avtokóligi shyǵyp, oqıǵa ornyna baryp 10 adamdy evakýasııalady. Olardyń ekeýi - bala», dedi Túpqaraǵan aýdandyq Tótenshe jaǵdaılar bóliminiń bastyǵy Joldybek Bısenbekov.Nátıjesinde, sýdan 6 avtokólik shyǵaryldy. Evakýasıalaý jumystaryna S.Shapaǵatov aýyldyq okrýgynan da arnaıy tehnıka jumyldyryldy.
23 shildede Mańǵystaý oblysynda nóser jaýyn jaýǵan edi.