Búgin Astanadaǵy «Qazaq eli» monýmenti alańynyń minbesine kóterilgen Prezıdent Nursultan Nazarbaev birligi jarasqan qazaqstandyqtardy 1 Mamyr merekesimen quttyqtap, ystyq yqylasyn bildirdi.
Nursultan Nazarbaev quttyqtaý sózinde: «Búgin ulyq mereke. Jarqyraǵan kóktemde halqymyzdyń birligi merekesin atap ótemiz. «Birlik» degen uly sóz. Eger de otbasynda birlik bolmasa, erli-zaıyptylar ajyrasyp tynady, eger de zaýyt, fabrıka, kompanııada birlik bolmasa, kásporyn bankrot bolyp qurıdy. Eger de memlekettiń ishinde birlik bolmasa, ár óńir ár jaqqa tartatyn bolsa, onda memleket kúıreıdi», – dedi. Birliksiz eshqandaı bereke bolmaıtynyn, yntymaǵy joq eldiń tóbesinen qara bult ketpeıtinin aıta kele: «Eń aldymen, ańsap jetken táýelsizdigimizdi saqtap qalý halyqtyń birligine baılanysty. Kópetnosty el bolǵannan keıin, barlyq halyqtardy uıymdastyrý mańyzdy. Birlik arqyly táýelsizdigimizdi saqtap qalamyz, birlik arqyly memleketti nyǵaıtamyz, birlik arqyly halyqtyń turmysy jaqsaratyn bolady. Halyq bolashaqqa senimdi bolady, elimizde tynyshtyq pen kelisim bolady», – degen Nursultan Nazarbaev jurtshylyqty merekemen quttyqtap, árbir otbasyǵa amandyq, baq-bereke tiledi.
Joldybaı Bazar.
Derekkóz: Bnews.kz. Foto: Azglobus.net.