«Qazposhta» AQ kompanııa shotynan aqsha urlanýǵa qatysty BAQ-ta jarııa bolǵan aqparatqa qatysty málimdeme jasady, dep habarlaıdy Egemen.kz.
«Nur-Sultan qalasy Almaty aýdanynyń №2 aýdandyq soty «Qazposhta» AQ-nan asa iri mólsherde aqsha jymqyrdy dep tanylǵan B., J., D. jáne L. esimdi azamattardy 6 jyldan 6 jyl 6aıǵa deıin bas bostandyǵynan aıyrý jazasyna kesti. Bul ınternet-qylmysy 2020 jyly jasalǵan. Osy alaıaqtyqtyń saldarynan kompanııaǵa jalpy somasy 294 mıllıon teńgeden astam zalal keltirildi, onyń ishinde «Qazposhta» AQ qyzmetkerleriniń qabyldaǵan sharalary arqasynda qoldy bolǵan qarajattyń bir bóligi – 72,3 mln teńge seriktestikke qaıtaryldy.
Osy aqparat arqyly sottalǵandardyń Qazposhta qyzmetkerleri emestigin jáne eshqashan munda jumys istemegenin atap ótkimiz keledi. Qazposhta – bul qylmystyq ister boıynsha jábirlenýshi tarap», delingen habarlamada.
Qazir materıaldyq shyǵyn somasyn óndirip alý máselesi azamattyq sot isin júrgizý aıasynda sheshilip jatyr.
Sotqa deıingi tergeý nátıjeleri boıynsha, «Qazposhta» AQ kıberqaýipsizdikti qamtamasyz etý jáne aqparattyq júıelerdi qorǵaýdy kúsheıtý boıynsha tıisti sharalar qabyldaǵan.