QR Parlamenti Senaty Tóraǵasynyń orynbasary Asqar Shákirov Koreıa Respýblıkasy Ulttyq Jınalysyndaǵy Parlamentaralyq dostyq tobynyń tóraǵasy Ý Von Shıkpen kezdesti, dep habarlaıdy Egemen.kz.
Kelissóz barysynda Qazaqstan basshysynyń 2021 jyly Koreıa Respýblıkasyna sapary kezinde qol jetken ýaǵdalastyqtar aıasynda eki el arasyndaǵy yntymaqtastyqty, onyń ishinde parlamentaralyq ózara is-qımyldy odan ári nyǵaıtý máseleleri talqylandy.
Taraptar bizdiń elderimizdiń saýda-ekonomıkalyq jáne ınvestısııalyq salalardaǵy yntymaqtastyǵynyń qarqyndy damýyn atap ótip, mádenı-gýmanıtarlyq baılanystardy tereńdetýdiń mańyzyna toqtaldy.
Júzdesýshige Qazaqstandaǵy konstıtýsııalyq reformanyń mán-mańyzy týraly aqparat aıtyldy. «Búginde bizdiń elimiz óz damýyndaǵy tarıhı mańyzdy kezeńde tur. Prezıdent Qasym-Jomart Toqaevtyń jańǵyrtý jónindegi kún tártibi júzege asýda, onda barlyq ózgerister qamtylyp otyr. Elimizdiń saıası júıesin odan ári demokratııalandyrý – basty baǵyttardyń biri», dedi Asqar Shákirov.
Ý Von Shık Qazaqstandaǵy demokratııalyq reformalar Koreıada muqııat qadaǵalanyp otyrǵanyn jáne olardy quptaıtynyn atap ótti.
Kezdesý qorytyndysy boıynsha parlamentaralyq yntymaqtastyq baılanystary boıynsha odan ári ózara is-qımyl jasaý týraly ýaǵdalastyqqa qol jetkizildi.