Tergeý ızolıatorynda jatqan general-maıor Jaılaýbek Halyquly qaıtys boldy, dep habarlaıdy Egemen.kz.
«Tańǵy saǵat 7-ler shamasynda qamaýǵa alynǵan J.Halyqulyn qaraýyl ınspektory tapty. Mekemeniń kezekshi aýysymy dereý alǵashqy medısınalyq kómek kórsetti. Qoldanylǵan sharalarǵa qaramastan, tergeýdegi adamdy aman alyp qalý múmkin bolmady», delingen IIM Qylmystyq atqarý júıesi komıteti taratqan habarlamada.
Oqıǵa ornyna jedel-tergeý toby, prokýratýra ókilderi men oblystyq IID basshylyǵy kelgeni naqtylanýda. Basqa ustalǵandarmen áńgime júrgizildi. Tekserý nátıjesinde oǵan qatysty zańsyz áreketter faktileri anyqtalǵan joq.
Qazirgi ýaqytta ishki aýdıt júrgizilip jatyr, onyń nátıjeleri boıynsha qoldanystaǵy zańnamaǵa sáıkes sharalar qabyldanady.
Marqum bolǵan Jaılaýbek Halyquly 2009 — 2016 jyldar aralyǵynda Almaty jáne Aqmola oblystary polısııa departamentterine basshylyq etken.
Ol buǵan deıin qylmystyq isti toqtatý úshin para aldy dep aıyptalǵan bolatyn.