Mańǵystaýda jol apatynan 1 adam qaza taýyp, 5 adam jaraqat aldy, dep habarlaıdy Egemen.kz oblystyq Polısııa departamentine silteme jasap.
Oqıǵa 5 tamyzda tańǵy saǵat 9:00 shamasynda bolǵan. ÝAZ kóliginiń júrgizýshisi Shetpe aýylyna qaraı bara jatyp, joldyń qarsy baǵytyna shyǵyp ketken. Saldarynan Toyota Prado-ǵa soǵylyp, kólikter órtengen.
ÝAZ júrgizýshisi oqıǵa ornynda kóz jumǵan. 5 adam jaraqat aldy.
«Atalǵan derek Qylmystyq kodekstiń 345-baby 3-bóligi boıynsha Mańǵystaý aýdandyq polısııa bóliminiń sotqa deıingi tergep-tekserýlerdiń biryńǵaı tiziminde tirkeldi. Tergeý júrgizilip jatyr», dedi Polısııa departamenti baspasóz qyzmetinen.