Aqtaýdaǵy 27-shaǵynaýdanda polısııa qyzmetkeri basqarǵan kólik 1,5 jastaǵy balany qaǵyp ketip, sábı oqıǵa ornynda qaıtys boldy. Qaıǵyly oqıǵa 13 mamyr kúni bolǵan, dep habarlaıdy Egemen.kz.
«Atalǵan fakti boıynsha Qylmystyq Kodekstiń 345-babynyń 3-bóligi (kólik quraldaryn basqarý nemese paıdalaný erejelerin buzý) boıynsha qylmystyq is qozǵaldy. Kólik júrgizýshisi ýaqytsha ustaý ızolıatoryna qamaldy. Qajetti tergeý amaldary júrgizilip jatyr», delingen habarlamada.
Kókshetaýda áıeldi qaǵyp ketken oqıǵa: Tergeý bir aı ishinde aıaqtalady
Vedomstvo bul oqıǵa basshylyqtyń erekshe baqylaýyna alynǵanyn aıtyp, qaza bolǵan balanyń týystary men jaqyndaryna kóńil aıtty.
Beıresmı derekkózge súıensek, júrgizýshi alkogol jáne esirtkige qatysty tekseristen ótken, nátıjesinde mas kúıde bolý belgileri anyqtalmaǵan.
Eske sala keteıik, buǵan deıin Kókshetaýda júrgizýshi kýáligi joq adam basqarǵan kólik áıeldi qaǵyp ketip, ol oqıǵa ornynda qaza bolǵan edi.