Bakýdiń «Sabah» klýby Ázerbaıjan kýboginiń ıegeri atandy. Al fınaldyq matchtyń basty qaharmany Qazaqstan ulttyq quramasynyń qaqpashysy Stas Pokatılov boldy, dep habarlaıdy Egemen.kz.
Sheshýshi oıynda Pokatılovtyń komandasy «Zırıaǵa» qarsy 2:1 esebimen jeńiske jetti.
Esepti matchtyń 4-mınýtynda «Zırıa» oıynshysy Eren Aıdyn ashty, úzilisten keıin oıyn barysy ózgerdi. 70-mınýtta Orfe Mbına tarazy basyn teńestirse, 91-mınýtta Djoı-Lans Mıkels jeńis golyn soqty.
Jeńis golynyń sheshýshi nátıjeli pasyn Stas Pokatılov berdi. Qazaqstan qaqpashysynyń pasynan keıin Mıkels gol soǵyp, bakýlyq klýbqa kýbok jeńisin syılady.
Messı fýtboldan álem chempıonatyna qatysa ma?
Stas Pokatılov 1992 jyly dúnıege kelgen, qazirgi tańda 33 jasta. Ol mansabynda Qazaqstannyń «Aqtóbe», «Shahter», «Qaırat», «Tobyl» klýbtarynda, sondaı-aq Reseıdiń «Rostov» komandasynda oınaǵan. Al «Sabah» klýbynyń sapynda otandasymyz Ázerbaıjan chempıony atanyp, Ázerbaıjan kýbogin de tóbesine kótergen.
Álem chempıonaty aldyndaǵy oıyndar bizdiń fýtbolshylar úshin jemisti ótip jatyr. Buǵan deıin Astana quramasynyń oıynshysy Ivan Bashıch Qazaqstan Premer-lıgasynyń tarıhynda álem chempıonatyna shaqyrtylǵan alǵashqy fýtbolshy atanǵanyn jazǵan bolatynbyz.