Qazaqstanda qan quıý qaýipsizdigin arttyratyn jańa sıfrlyq júıe engizildi. Respýblıkalyq qan ortalyǵynda qan komponentterin baqylaýǵa arnalǵan ScanQAN sıfrlyq júıesi iske qosyldy, dep habarlaıdy Egemen.kz.
Jańa tehnologııa qan quıý prosesiniń qaýipsizdigin arttyryp, adam faktory áserinen bolatyn qatelikterdi azaıtýǵa baǵyttalǵan júıege sáıkes, qan komponentteriniń japsyrmalaryna QR-kodtar engiziledi. Medısınalyq qyzmetker kodty skanerlegen kezde qan ónimi týraly tolyq aqparatqa qol jetkize alady.
«Sıfrlyq kómekshi medısınalyq mamandarǵa klınıkalyq jaǵdaılarda jyldamyraq baǵdar alýǵa, ár qan komponenti boıynsha keńeıtilgen aqparat alýǵa múmkindik beredi. Onyń ishinde kórsetilimder, shekteýler jáne ártúrli klınıkalyq jaǵdaılarda qoldaný boıynsha usynystar bar», delingen habarlamada.
Qazaqstannyń biryńǵaı QR- kody shetelde de qoljetimdi bolady
Mınıstrlik ókilderiniń aıtýynsha, júıe arqyly zerthanalyq taldaý nátıjeleri, qan komponentiniń sıpattamasy, saqtaý sharttary, qoldaný erekshelikteri jáne klınıkalyq usynystar kórsetiledi.
Eske sala keteıik, buǵan deıin Ulttyq bank 19 shildeden bastap barlyq bankter biryńǵaı QR-tólemder júıesine qosylatyndyǵyn málimdegen edi.