2022 jylǵy 8 tamyzdan bastap 2021-2025 jyldarǵa arnalǵan Kásipkerlikti damytý jónindegi Ulttyq jobany iske asyrý aıasynda jańa bıznes-ıdeıalardy iske asyrý úshin memlekettik granttardy alýǵa ótinimder qabyldaý bastaldy. Bul týraly Halyqty jumyspen qamtý ortalyǵy málimdedi, dep habarlaıdy Egemen.kz qala ákimdiginiń resmı saıtyna silteme jasap.
Ortalyqtyń habarlaýynsha bıyl beriletin granttar jumyssyz nemese dara kásipker retinde memlekettik tirkeý merzimi úsh jyldan az, sol sııaqty bir rettik jıyntyq tólemdi tóleıtin dara kásipker boıynsha grant alýǵa ótinish bergenge deıin tirkelgen jaǵdaıda halyqtyń áleýmettik osal toptaryna beriledi.
Bul rette úmitker tómendegi áleýmettik sanattardyń birinen bolý kerek: • 29 jasqa deıingi jastar, • áleýmettik az qamtylǵan otbasy músheleri – AÁK alýshylar, • kópbalaly otbasy – kópbalaly otbasylar boıynsha járdemaqy alýshylar, • qandastar, qonys aýdarýshylar, • járdemaqy alatyn múgedek balany tárbıelep otyrǵan tulǵalar, • eńbekke qarsy kórsetilimi joq múgedektigi bar adamdar (múgedekter), • asyraýshysynan aıyrylǵan jaǵdaıda tólenetin áleýmettik járdemaqylardy alýshylar.
Jańa bıznes-ıdeıalardy iske asyrýǵa arnalǵan granttar tıisti qarjy jylynyń respýblıkalyq bıýdjeti týraly zańda belgilengen 400 AEK-ke deıingi mólsherde (2022 jylǵa 1 225 200 teńgeni quraıdy) óteýsiz jáne qaıtarymsyz negizde bastapqy bıznesti iske asyrýdy josparlaıtyn Ulttyq jobaǵa qatysýshylarǵa bir ret beriledi.
Jańa bıznes-ıdeıalardy iske asyrýǵa grant alý úshin ótinish berýshi «Elektrondyq eńbek bırjasy» memlekettik aqparattyq portalynyń ishki júıesi bolyp sanalatyn business.enbek-kásipkerlik bastamalardy qoldaý portalynda ótinim beredi.
Grant alýdyń mindetti sharttary: 1) «Bastaý Bıznes» jobasy boıynsha oqýdy aıaqtaý týraly sertıfıkattyń bolýy 3 (úsh) jyl ishinde sertıfıkatty alǵan kúnnen bastap esepteledi; 2) úmitkerdiń portalda belgilengen talaptarǵa sáıkestigine nátıjelerdiń bolýy; 3) komıssııanyń oń sheshiminiń bolýy. Grant alý úshin ótinimder lekter (potok) boıynsha: I lek (2022 jylǵy 1-14 sáýir); II lek (2022 jylǵy 8-19 tamyz); III lek (2022 jylǵy 29 tamyz-9 qyrkúıek); IV lek (2022 jylǵy 19 -30 qyrkúıek) portal arqyly «Business.enbek.kz» onlaın rejıminde júzege asyrylady.