Búgin Qazaqstan Prezıdenti Qasym-Jomart Toqaev BUU Bas Assambleıasynyń 76-shy sessııasynyń tóraǵasymen kezdesedi. Bul týraly Memleket basshysynyń baspasóz qyzmeti habarlady, dep jazady Egemen.kz.
«Búgin Memleket basshysy Qasym-Jomart Toqaev Aqorda rezıdensııasynda BUU Bas Assambleıasynyń 76-shy sessııasynyń tóraǵasy Abdýlla Shahıdpen kezdesý ótkizedi», delingen habarlamada.
Aıta keteıik, Abdýlla Shahıd Qazaqstanda 13 tamyzǵa deıin bolady. Ol Qazaqstanǵa sapary barysynda joǵary laýazymdy tulǵalarmen kelissózder júrgizedi. Pandemııa, turaqty damý, klımattyq daǵdarys jáne Birikken Ulttar Uıymynyń qyzmetin jandandyrý sııaqty ózekti taqyryptar talqylanady dep kútilýde.