QAZAQ KÚRESINIŃ QARYMY

Jaqynda Máskeýde Reseı kúres federasııasy­nyń prezıdenti Mıhaıl Mamıashvılı, Belarýsten úsh dúrkin Olımpıada, jeti dúrkin álem chempıony Aleksandr Medved, Qazaqstannan Reseı astanasyna arnaıy barǵan Dúnıejúzilik qazaq kúresi fede­rasııasynyń prezıdenti Serik Tókeev jáne basqa da bedeldi mamandar qatysqan Halyqaralyq kúres federasııasynyń alqaly jıynynda qazaq kúresiniń FILA quramyna engeni týraly habarlandy. Osyǵan oraı tól kúresimizdiń FILA aıasynda 2011 jyly ótetin dúnıejúzilik oıyndar men eýropalyq oıyndar baǵdarlamasyna kiretini, al 2012 jyly Lıtvanyń Shaýlıaı qalasynda jalaýyn kóteretin Tafısa oıyndaryna da bizdiń ulttyq kúresten jarystardyń ótetini belgili boldy. Sonymen birge Máskeýde ótken bas­qosýda mamandar halyqaralyq dárejedegi tóreshi Serik Ońǵarbaevtyń olımpıadalyq emes kúres túrleri boıynsha FILA-nyń tóreshiler alqasynyń tóraǵasy bolyp saılanǵanyn habardar etti. Osy máselege baılanysty jaqynda Máskeýde ótken jıynǵa qatysqan Dúnıejúzilik qazaq kúresi federasııasynyń prezıdenti Serik Tókeevpen áńgimeleskenimizde, ol bizge bylaı dedi: – 12-15 mamyr kúnderi Más­keý­de Halyqaralyq kúres federa­sııa­synyń alqaly jıyny ótti. Bul jıynǵa qazaq kúresiniń FILA qu­ramyna qabyldaý jóninde ótinish bergen edik. Osy ótinishimiz biraý­yzdan qabyldandy. Qazaq kúre­siniń halyqaralyq kilemge shyǵýy bizdiń kópten bergi maqsatymyz edi. Munyń aldynda ózderińizge belgili, tól kúresimizden eki ret álem, birneshe ret Azııa chempıona­tyn ótkizgen bolatynbyz. Osy bá­se­kelerdiń bári ulttyq kúresi­miz­diń damýyna septigin tıgizýde. De­gen­men, qazaq kúresiniń FILA-nyń quramyna qabyldanýy bul tól sportymyzdyń nasıhattalyp, damýyna ózgeshe serpin beredi dep oılaımyz. – Bıylǵy jıynda qandaı má­seleler qaraldy, onyń ótken jyl­darǵydan ereksheligi boldy ma? – Jıynda FILA-nyń kúres túrleri jóninen komıtetiniń pre­zıdenti bolyp Vıleıta Gıntaýtas saılandy. Sonymen birge halyq­aralyq federasııa komıtetiniń ja­nynan tórt departament quryldy. Sport jáne oıyndar departamen­tiniń tóraǵasy bolyp Aleksandr Med­ved, ulttyq kúres túrleri de­partamentiniń basshylyǵyna Alek­seı Kylasov, qarjy jáne marke­tıng departamenti tóraǵalyǵyna Almambet Anapııaev saılandy. Sondaı-aq, komıtet janynan bi­lim, medıa jáne nasıhat, do­pıng­ke qarsy jáne medısınalyq qam­ta­masyz etý departamentteri qu­ryldy. Osy jıynda bizdiń elimiz úshin bolǵan taǵy bir qýanyshty oqı­ǵa, munda FILA-nyń tóreshiler alqa­synyń tóraǵasy bolyp Serik Oń­ǵarbaev saılandy. Ol Olımpıa­daǵa tórelik jasaǵan, 2003 jyly Býsanda ótken jazǵy Azııa oıyn­da­rynyń bas tóreshisi bolǵan óte tá­jirıbeli maman. Endi biz 15-16 maý­sym kúnderi Shveısarııada orna­lasqan Halyqaralyq kúres federasııasynyń shtab páterine baryp, FILA-nyń prezıdenti Martınettıden qazaq kúresiniń sertıfıkatyn alatyn bolamyz. Osy qujat tól kúresimizden dúnıe júziniń ár túkpirinde qurlyqtyq federasııalar ashýǵa múmkindik beredi. – Máskeýdegi jıynda qazaq kúresiniń Tafısa oıyndarynyń baǵdarlamasyna engeni týraly da habarlanypty. Osy másele jónin­de aıtyp berseńiz. – Bul tórt jylda bir ret óte­tin oıyn. Onda baǵdarlamaǵa engen árbir halyqtyń ulttyq óneri kór­setilip, sport túrlerinen ja­rys­tar ótedi. Biz osy oıyndarǵa FILA-nyń aıasynda qazaq kúresinen ja­rys­tar ótkizýge múmkindik alyp otyrmyz. – Aldaǵy kezde qazaq kúresin Ol­ım­pııa oıyndaryna engizý máse­le­si sheshile me? Osy maqsatta qazir qandaı jumystar istelinip jatyr? – Bizdiń qazirgi maqsatymyz qazaq kúresin dúnıe júzine keńinen nasıhattaý, odan qurlyqtyq chem­pıonattar ótkizý. Qazir kúrestiń Olımpıada baǵdarlamasyna enýi úshin kem degende 100-den astam elder qatysatyn álem chem­pıona­tyn ótkizý kerek. Bul aldaǵy kezde sheshiletin másele. Qazaq kúresiniń Olımpıadaǵa enýi úshin biz alǵashqy belesten ótip otyrmyz. Tól kúresimiz FILA-nyń quramyna qabyldandy, endigi maqsatymyz ýaqyt óte kele qurlyqtyq báse­ke­ler men halyqaralyq týrnırlerdi kóptep ótkizip, qazaq kúresin barynsha damytý. – Qazir eki jylda bir ret álem, Azııa chempıonattary ótki­zilip keledi. Bıylǵy jyly osy baı­raqty básekeler qaı jerde ótetin bolady? – Bıyl Azııa chempıonaty 10-17 maýsym aralyǵynda О́skemende ótedi. Osy jerde qurlyqtyq bá­sekeni ótkizýge qolda bar múm­kin­digin jasap júrgen Azııa federa­sııasynyń prezıdenti, Qyzylorda oblysy ákiminiń orynbasary Rza­qul Nurtaev pen onyń birinshi vı­se-prezıdenti, osy oblystyń dene tárbıesi jáne sport basqarmas­y­nyń bastyǵy Sadyq Mustafaevqa alǵysymyzdy bildirgimiz keledi. Al álem chempıonaty 24-27 qy­r­kúı­ek­te Astana nemese Aqtaý qalasynda ótkizý josparlanýda. – Áńgimeńizge rahmet. Áńgimelesken Dastan KENJALIN.