28 tamyz kishi Taldykóldiń aýmaǵyna aǵash otyrǵyzý josparlanyp otyr. Birinshi kezeńde 600-ge jýyq japyraqty aǵash otyrǵyzylady, dep habarlaıdy Egemen.kz elorda ákimdiginiń saıtyna silteme jasap.
Esterińizge salaıyq, kishi jáne úlken Taldykól boıynsha eko-ýrbandalý qaǵıdattaryn paıdalana otyryp, qalalyq aýmaqty elordanyń saıabaq aımaqtarymen ıntegrasııalaý boıynsha jumys jalǵasýda.
Nur-Sultandaǵy kishi jáne úlken Taldykólde ekopark qurylady. Osy maqsatta birinshi kezeńde 1 mıllıard teńge kóleminde qarjy bólindi. Búginde úlken Taldykól boıynsha jobalaý-smetalyq qujattama ázirlendi. Kishi Taldykól sý obektisindegi sý balansyn saqtap, rekreasııalyq aımaq qurý boıynsha jobalaý-smetalyq qujattama ázirlenip jatyr.