9 Mamyr kúni qarsańynda aýdan ortalyǵy Kóktóbe aýylynda turatyn Maǵaý Syzdyqov atamyzǵa bir kúndik eńbekaqylaryn esepshotqa aýdarǵan dárigerler, muǵalimder, kásipkerler, basqa da sala qyzmetkerleri syı-qurmet kórsetti.
Semeıdiń Kelmembet degen aýylynda ómirge kelgen Maǵaý atamyz 1942 jyly maıdanǵa attanady. Ol soǵys jyldary 830-shy artıllerııalyq polk qatarynda Ýkraınadaǵy urys qımyldaryna qatysqan. Soǵystan keıingi jyldary Ýkraınadaǵy qorǵanys zaýytyna jumysqa alynǵan. Sodan elge oralǵan beıbit kúnderde óndiris salasynda, ák shyǵaratyn zaýytta eńbek etedi.
Búginde bul kisi úbirli-shúbirli úlken áýlettiń atasy, 8 bala súıip, 21 nemere,13 shóbere kórip otyr. Kóktóbelikter úlken-kishisi bar ortalaryndaǵy jalǵyz qalǵan soǵys ardagerine qurmet kórsetýde. Aýdandyq ákimdik atamyzdyń úıine kúrdeli jóndeý jasap, jańartyp berdi.
Farıda BYQAI,
«Egemen Qazaqstan».
Pavlodar oblysy,
Maı aýdany.