Bıylǵy jyldyń aqpan aıynan beri Batys Qazaqstan oblysynyń aýdandary men okrýgteri arasynda «Beıbitshilik pen kelisim» respýblıkalyq megajoba aıasynda sharalar jalǵasyn tabýda.
Sonyń aıǵaǵyndaı, Jánibek aýdanynyń túrli salalar ókilderinen quralǵan delegasııa kórshiles jatqan Qaztalov aýdanynda boldy. Bul eki aýdan da Reseıdiń Volgograd, Saratov gýbernııalarymen shekaralas ornalasqan. Reseımen «aýyly aralas, maly qoralas» bolǵandyqtan, túrli ult ókilderi turady.
Megajoba aıasynda dóńgelek ústel basynda kezdesken Qaztalov jáne Jánibek aýdandarynyń ákimderi Nurlan Bekqaıyr men Murat Muqaev aýdandardaǵy atqarylyp jatqan jumystar jóninde áńgimelep, tájirıbeler almasty. Sondaı-aq, delegasııa músheleri tıptik jobada salynǵan «Nurbalapan» balabaqshasynda, tarıhı-ólketaný murajaıynda boldy. Bir qýanarlyǵy, kórshilerdiń áńgimesinde Jánibek aýdanynyń ortalyǵynda da «Nurbalapandaı» balabaqsha qurylysy bastalypty. Sonymen qatar, Jánibek aýdanynyń Aqoba okrýgi jerinen jerasty qazba baılyqtyń tabylǵanyn da jetkizdi. Buǵan qaztalovtyqtar kórshilerdiń qýanyshyna ortaqtastyq tilegin bildirdi.
Megajoba aıasyndaǵy kezdesýde sóz alǵan ulty ázerbaıjan Tamara Kafarova jubaıynyń qazaq ekenin aıta kelip, quda-jekjattarynyń da jergilikti halyqtan ekenin jetkizdi. Al konserttik baǵdarlamada Tamara halyq áni «Ýgaı - aıdy» oryndaǵanda kórermen qoshemetpen qol soqty.
Sondaı-aq, Jánibek aýdandyq «Shuǵyla» gazetiniń redaktory Ahmedııar Batyrhanov aýdanymyzdan Uly Otan soǵysynda habarsyz ketken bozdaqtardyń tyń málimetterin alyp kelýi – Uly Jeńistiń 70 jyldyǵyna berilgen tartý deýge bolady.
Osyndaı el men eldi jaqyndastyrǵan, tatýlyq pen birlikti nasıhattaǵan megajoba aıasynda ótkizilgen sharaǵa aýdan jurtshylyǵy rıza boldy.
Gúlfııa KО́ShBAEVA.
Batys Qazaqstan oblysy,
Qaztalov aýdany.