Q.A.Iаsaýı atyndaǵy HQTÝ qyzmetkeri Satylmysh Chaıyr kún kózinen qýat alatyn arba jasap shyǵardy. Arnaıy qoıylǵan batereıalar arqyly kúnnen qýat alǵan tok akkýmýlıatorǵa jınalyp, arbany qozǵalysqa túsiredi. Kóshede de júrip-turýǵa yńǵaıly úsh aıaqty kólik múgedek jandar úshin taptyrmas qural bolyp otyr.
Jýyrda Q.A.Iаsaýı atyndaǵy Halyqaralyq qazaq-túrik ýnıversıtetiniń О́kiletti keńes tóraǵasy Osman Horata Kentaý qalasynda bolyp, kún arbany 1-top múgedegi Jánibek Bekmuratovqa tartý etti.
– Biz úshin kóptegen aýyrtpalyqtar artta qalatyn boldy. Búginge deıin 10-nan astam arbany aýystyrǵan edik. Endi balam ózdigimen kóshede emin-erkin júre alady. Ýnıversıtet ujymyna, osyndaı ıgi isterdi qurastyrýshylarǵa alǵysym sheksiz – deıdi J.Bekmuratovtyń anasy J.Tolaıynova.
Túrkııadan kelip, qazaq balalaryn kásibı bilim alýǵa baýlyp júrgen mamannyń bul alǵashqy týyndysy emes. Onyń aldynda ol kún energııasynan qýat alatyn arıstondy qurastyryp, iske qosqan.
Jasalǵan arba Túrkııa tarapynan qarjylandyrylǵan. Aldaǵy ýaqytta da ýnıversıtet ujymy kúnnen qýat alatyn arbanyń sanyn arttyryp, jarymjan adamdardy qýanyshqa bólemek. Sondaı-aq, oqý ornynda balamaly energııany keńinen paıdalaný josparlanyp otyr.
Qaırat ZAINIShEV.
Sýretti túsirgen Bolat Kákibala.