Atyraýlyq soǵys ardageri Aleksandr Pogadaevty qaıtadan «tirildi» deýge ábden bolady. О́ıtkeni, ol budan 13 jyl buryn óliler tizimine engizilgen eken. Muny ardagerdiń nemeresi Olga Sbıtneva halyqqa qyzmet etý ortalyǵyna barǵanda bilgen. Oǵan atasynyń 2001 jyldan beri óliler tiziminde ekeni habarlanǵan.
– Qatelik ketken ǵoı. Ony túzetý úshin atamyzdyń tiri ekenin kýálandyratyn medısınalyq anyqtamany tıisti oryndarǵa tapsyrdyq. Jaqynda biz atamyzdyń kez kelgen anyqtamany alýyna tolyq múmkindik jasalǵany týraly jaqsy habar aldyq, – deıdi soǵys ardageriniń nemeresi Olga Sbıtneva.
Aleksandr Pogodaev ekinshi dúnıejúzilik soǵysta Otanyn jaýdan qorǵasa, beıbit ómirde qoǵam tynyshtyǵyn kúzetti. Ishki ister qyzmetinen zeınetke shyqqan otstavkadaǵy polkovnık bul kúnderi «Frontovıchka» eńbek ardagerleri horynyń beldi múshesi atanyp júr. Ardager 2004 jyly jańadan jeke kýálik pen sheteldik tólqujat, al, 2013 jyly jańa páter alypty.
Shyndyǵynda, 2001 jyly óliler tizimine engizilgen soǵys ardagerine jeke basyn kýálandyratyn qujattar men jańa páter qalaı berilgen? Bul saýaldardyń ázirge jaýaby tabylmaı tur.
Joldasbek ShО́PEǴUL,
«Egemen Qazaqstan».
Atyraý oblysy.