«Egemen Qazaqstan» gazetiniń 2013 jylǵy 24 qańtardaǵy №16 sanynda basylymymyzdyń Pavlodar oblysy boıynsha menshikti tilshisi Farıda Byqaıdyń «Turǵyndar ań-tań...» ataýymen shaǵyn maqalasy jaryq kórgen bolatyn. Osyǵan oraı Pavlodar oblysy ákimdiginen jaýap keldi.
Onda bylaı delinedi: «Maqala boıynsha Ertis aýdany ákimdiginen aqparat berýdi talap ettik. Gazette kóterilgen máselege qatysty Ertis aýdany ákimdigi mynadaı anyqtama joldady: «2013 jyly Ertis aýylynyń ortalyq alańy men alleıasyn jańǵyrtý boıynsha jobalyq-smetalyq qujattama ázirlendi. Aýdannyń ortalyq alańy men alleıasyn jańǵyrtý boıynsha jınalys ótti. Bul jınalysqa jergilikti atqarýshy bılik ókilderi, aýdandyq máslıhat depýtattary, Ertis aýdanynyń qurmetti azamattary, zeınetkerler qatysty. Jınalysta «Lenın eskertkishin kóshirý týraly» sheshim qabyldanǵan. Qazirgi tańda Lenın eskertkishiniń ornyna BMP (tank) ornatylǵan. Bul tank ákimdik aldyna ýaqytsha qoıylǵan. Qazirgi tańda BMP-nyń ornyna Qajymuqan nemese «Báıterek» eskertkishin ornatý boıynsha qarjylandyrý máselesi sheshilip jatyr».