Dástúrli týrnır dúrkirep otti

Jýrnalısterdiń jylyna bir ret basyn qosyp, arqa-jarqa kúıge túsiretin shaǵyn fýtboldan Seıdahmet Berdiqulovty eske alýǵa arnalǵan dástúrli týr­­nır­diń jalaýy bıyl Astanada kó­te­rildi. Onda buqaralyq aqparat quraldary qyzmetkerlerinen quralǵan 12 komanda baqtaryn synady. Olardyń qatarynda qazaq baspasóziniń qarashańyraǵy «Egemen Qazaqstan» gazetiniń komandasy da óner kórsetti. Jarys 9-10 mamyr kúnderi «Astana- Arena» stadıonynda ótti. Elordamen qosa, elimizdiń ózge óńir­­­­lerinen kelgen árip­tes­ter komandasy jerebege sáıkes oıyndaryn bas­tap ketti. Ege­men­qazaqstandyqtar týr­nırdiń alǵashqy kúni eki kezdesý ótki­zip, sonyń biri Qazaq­­­­­stan sport bas­pasózi qaýymdastyǵy komandasyn 2:0 esebimen utsa, ekinshi mat­chta «Astana aqshamy» oıyn­shylarymen 2:2 esebimen teń tústi. Al kelesi kúni jartylaı fınalǵa joldama beretin kez­desýde «Alma­ty» telearnasy­men 1:1 esebimen teń oına­dy. Alaı­da, komanda kelesi aına­lymǵa shyq­pasa da ózge komandalar sııaqty birde-bir oıynda jeńilmeı, týrnırdi jeńilissiz aıaq­tady. Bıylǵy týrnırde Erdáýlet Qurma­novtyń «Almaty» telearnasyna soq­qan doby 20 jyldan beri ótkizilip kele jat­qan jarystyń eń úzdik goly dep tanyldy. Týrnırdiń alǵashqy kúni Shym­kentten kelgen «Ońtústik Qazaqstan» ko­mandasy jankúıer jurtty jel­­pindirse, «Qaz-sport»­ telearnasy atynan ja­rys­qa qatysqan Danııa Ábdi­lo­va­nyń óne­rine de sport súıer qaýym­nyń súıispenshiligi erekshe boldy. «Júırikten júırik ozar ja­rysqanda» demekshi, barynsha da­ıyn­­dyqpen kelgen komandalar legi­niń tek kil myqtylary ǵana júldeli or­yn­darǵa talasty. Fınaldyq synda «Almaty TV» komandasy men «Habar Almaty» qyrandary teń oıyn kór­se­tip, jeńimpazdy penaltı­­ anyq­­tady. Nátıjesinde «Almaty TV» jigitteri jeńiske jetip, bıylǵy týrnırdiń jeńimpazy atandy. «Habar-Almaty» ekinshi orynǵa talassyz jaıǵassa, «Ońtústik Qazaqstan» koman­dasy úshinshi tuǵyrǵa kóterildi. Sony­men qatar, týrnırde úzdik oıyn órnegin kórsetken fýtbolshylarǵa túrli nomınasııalar boıynsha alǵys hattar men syılyqtar tapsyryldy. Atap aıt­qanda, «Eń úzdik shabýylshy» dep «Ońtústik Qazaqstan» komandasynyń kapı­tany Berik Ýálı tanylsa, «Úzdik qor­ǵaýshy» nomınasııasynda Jasulan Qa­sym­berkebaevtyń baǵy jandy («Ha­­­­bar Al­maty»). «Úzdik oıynshy» ataǵyn Tal­ǵat Qojabaev («Almaty TV») enshi­lese, «Úzdik qaq­­­­pashy» Nurahmet Bek­tur­ǵanov («Habar Astana») boldy. «Úz­dik tóreshi» syı­lyǵy Dana Úsenovaǵa buıyrdy. – Astanada tuńǵysh ret uıymdastyryl­ǵan bul týrnır joǵary deńgeıde ótti dep aıtýǵa bolady. Jýrnalısterdiń týrnırge belsene qatysýlary jarys kórigin qyzdy­ra tústi, – deıdi týrnırdiń bas tóreshisi, ulttyq dárejedegi tóreshi Dáýlet Hamzın. Týrnırdiń jabylý saltanatynda Sport jáne deneshynyqtyrý isteri agenttigi tóraǵasynyń oryn­­­basary Elsııar Qanaǵatov jeńim­­pazdar men júldegerlerdi qut­tyqtady, al Seıdahmet Berdi­qu­lov­tyń uly Zańǵar osy ıgi shara­ny ótkizýde biliktilik tanytyp júr­gen agenttik basshylyǵy men ujy­­myna óz rızashylyǵyn jet­kizdi. Ábdirahman QYDYRBEK, «Egemen Qazaqstan». ASTANA. Sýretti túsirgen Almas MANAP.