Sıfrlyq efırlik telehabar taratý kezeń-kezeńimen iske asyrylyp jatyr

«Qazteleradıo» aksıonerlik qo­ǵamynyń jańa zamanǵa saı tehnıkalyq sheshimderimen 2018 jyldan bas­tap analogty televızııany óshirip, sıfr­lyq efırlik habar taratýǵa ke­zeń-kezeńimen kóshý bastaldy. Bú­ginde joǵary sapaly keskin jáne dybys beretin sıgnaldar Mańǵystaý, Túrkistan, Soltústik Qazaq­stan, Qa­ra­ǵandy, Almaty, Jetisý, Pavlodar, Qostanaı oblystarynyń, son­daı-aq elorda turǵyndary men qonaq­taryna, Almaty jáne Shymkent qala­larynyń kórermenderine qoljetimdi. Res­pýblıka aýmaǵynyń 92,43%-y SETV-men qamtylǵan.

Sıflyq efırlik televızııa de­genimiz ne? Qarapaıym sózben tú­sin­diretin bolsaq, bul – sıgnaldy jet­kizýdiń jańa tehnologııasyna kóshý. Analogty sıgnal aýyldyq jerlerge tek 2-3 arnany jetkizetin, ári aýa raıy qubylystaryna tózimsiz bolatyn, sonyń saldarynan jıi-jıi durys kórsetpeıtin.

Sıfrlyq efırlik televızııa ne­ǵur­lym sapaly keskin men dybys qa­byldaýǵa múmkindik beredi. Eń bastysy, translıasııalanatyn arnalardyń sanyn birneshe ese arttyryp, oblys orta­lyqtarynda 30-ǵa deıin, al eń shalǵaı aýdandarda 15-ke jetkizdi. Bu­dan basqa, qazir abonent­terge túr­li servıster qoljetimdi, onyń ishin­de telebaǵdarlama, qa­ralatyn tele­habardyń qysqasha sıpattamasy jáne t.b.. Bir sózben aıtqanda, analogty habar taratýdan sıfrlyq habar taratýǵa kóshý – kórermender úshin de, ulttyq operator retinde habar taratatyn «Qazteleradıo» AQ úshin de alǵa basqan úlken qadam.

Sıfrlyq efırlik televızııa abonenti bolý óte ońaı. Bul úshin teledıdarǵa sıfrlyq sıgnal qa­byldaıtyn jalǵaý quraly men desımetrlik antenna jetkilikti. Siz­diń kóz aldyńyzǵa keremet sapamen kórsetiletin otandyq arnalardyń tizimi shyǵady. Aıtpaqshy, zamanaý­ı teledıdarlardyń kóbiniń ishine sıfr­­l­yq efırlik sıgnal qabyl­da­ǵysh sa­lynǵan. Bul kez kelgen baǵ­dara­la­many jalǵaý quralynsyz kó­rýge múm­kindik beredi. Eń ma­ńyz­dysy, sıfr­lyq efır­lik TV toptamasyndaǵy arnalar tegin taratylady.     

Sonymen sıfrlyq efırlik tele­vı­zııaǵa kóshý degenimiz – res­pýb­lıkalyq mańyzy bar qalalar men oblys or­talyq­tarynan alys tura­tyn bol­sańyz da, súıikti habar­lary­ńyzdy tegin ári tamasha sapamen kórý múm­kindigi.

Qalaı qosylýǵa bolatyny jáne jabdyq satyp alý týraly tolyq aqparatty www.tsetv.kz saıtynan, sondaı-aq uıaly operatorlarǵa tegin

8 8000 800 193 nómiri nemese 193 nómiri boıynsha habarlasý arqyly ala alasyz.