Elordada dástúrli jármeńke bastaldy

О́ńirden kelgen 70-ten asa aýyl sharýashylyǵy óndirýshileri 535 tonna óz ónimderin usyndy.

«Túrkistan oblysynyń aýyl sharýashylyǵy taýar óndirýshileri 113,5 tonna et jáne et ónimderin, 165,5 tonna kókónis, 23 tonna kartop, 72 tonna sút ónimderin, 69 tonna baqsha ónimderin, 34 tonna jemis-jıdek, 8 tonna bal, 31 tonna jemis shyryny men konservilen­gen ónimderdi, 11 tonna balyq, 20 myń dana jumyrtqa jáne 2 tonna nan-toqash ónimderin usyndy. О́nimder naryq baǵasynan 15-20% tómen baǵamen satyldy. Jármeńke konserttik baǵdarlamamen jal­ǵasty», dedi Túrkistan oblysy aýyl sharýashylyǵy basqarmasy bas­shysynyń orynbasary Nurbol Bekmuratov.

Bıyl turǵyndardyń ótinishi boıynsha aýyl sharýashylyǵy jármeńkelerin ótkizý orny «Han Shatyr» saýda-oıyn-saýyq orta­lyǵy janyndaǵy alańnan «Barys Arena» muz saraıyna qarama-qar­sy aýmaqqa aýysty. Nur-Sul­tan qalasynyń ınvestısııalar jáne kásipkerlikti damytý basqar­masy basshysynyń orynbasary Qýanysh Saparovtyń aıtýynsha, jármeńkeler «Astana-Arena» sta­dıo­nynyń janyndaǵy alańda, Turan, 48 mekenjaıynda ótedi.

«Jalpy, apta saıynǵy aýyl­sha­rýashylyq jármeńkeleri óz ju­mysyn osy jyldyń 11 maýsymynda bastady. Oǵan Aqmola jáne Qaraǵandy oblystarynyń, sondaı-aq Soltústik Qazaqstan oblysynyń taýar óndirýshileri qatysty. Tek eki kúnniń ishinde jármeńkede 100 tonna ónim satyldy. Sonymen qatar elordada eki aýdan aýmaǵynda demalys kúnderi jármeńkeler ótkiziledi. Esil aýdanynda Saýran kóshesi, 7 me­ken­jaıynda uıymdastyry­lady. О́tkizý kúnderi – senbi-jek­senbi», dedi Q.Saparov.

Almaty aýdanynda jármeńke Júrgenov kóshesi, 27 mekenjaıy bo­ıynsha ótedi. Bul da senbi-jeksen­bi­de satyp alýshylardy shaqyrady. Jármeńkege azyq-túlik taýarla­ryn kóterme jetkizýshiler, Qaraǵan­dy jáne Aqmola oblystarynyń ja­qyn aýdandaryndaǵy sharýa qoja­lyqtary, sondaı-aq «Shapaǵat» baza­rynyń kóterme saýdamen aınalysýshylary qatysady.