100 sharshy metrden baspana beredi

Tilsiz jalynnan eń kóp zardap shekken eldi mekenniń biri – Amanqaraǵaı aýyly. Jalpy alǵanda, Qostanaı oblysyndaǵy órt 108 nysandy sharpydy. Onyń 91-i – turǵyn úı. Sonyń ishinde Amanqaraǵaı aýylynda – 85, Ozernoe aýylynda 6 baspana zaqymdalǵan.  

Tehnıkalyq zerdeleý qory­tyn­dysy boıynsha turǵyn úıler tolyqtaı janyp ketkendikten qaı­ta qalpyna keltirýge jatpaıdy. Qazir turǵyn úı qurylysyn júr­gizý úshin Áýlıekól aýylynan 2 gektar jer telimi bólindi. On­daǵy ár 8 sotyq jerge jalpy aýmaǵy 100 sharshy metrdi quraı­tyn bir qa­batty baspanalar salyn­baq. Osy oraıda aıta keter­ligi, Áý­lıe­­kól aýyly aýdan or­talyǵy bol­­ǵan­dyqtan eldi meken­de ınfra­qu­­­rylym tolyqtaı júr­gi­zilgen. Aý­yl­­da áleýmettik-tur­mystyq maq­­sattaǵy nysandardyń barlyǵy bar.

«Jergilikti merdiger uıym­dardy tartý arqyly qurylys-montajdaý jumystary bastalady. Qurylys jumys­tary­na tek qana jergilikti óndirýshilerdiń ónimderi qoldanylady. Jedel túrde jumysty bastaý týraly tapsyrma qoıy­lyp otyr. Indýstrııa jáne ın­fraqurylymdyq damý mınıstrligi eki aı ishinde qurylys jumystaryn tolyqtaı aıaqtaýdy maqsat etedi. Bul úshin barlyq tıisti sharalar qa­byl­danýda. Atalǵan másele mınıs­trlik basshysynyń tikeleı baqylaýynda», dep atap ótti vıse-mınıstr.

 «Qazaq qurylys jáne sáýlet ǵylymı-zertteý jáne jobalaý ınstıtýty» AQ men IIDM Qu­ry­lys jáne turǵyn úı-kommýnaldyq sharýashylyq isteri komıtetiniń «Memsaraptama» RMK ózderiniń jeke qaıtarymsyz qarajaty esebinen ınjenerlik júıe­lerdiń jobasyn daıarlaý jumys­taryn bastady. Memlekettik sarap­tama da ınstıtýttardyń qar­jysy esebinen júrgiziledi dep kútilýde.

Aıta keteıik, Memleket basshy­synyń tapsyrmasy boıynsha tótenshe jaǵdaıdyn saldaryn joıý maqsatynda qajetti qarajat bólindi. Premer-Mınıstr ótkiz­gen otyrysta Qostanaı obly­synda órtten zardap shekken tur­ǵyndar úshin jedel arada bas­pana salý boıynsha tapsyrma be­rildi. Qazirgi kúnde IIDM kólik qatynasyn qalpyna keltirý boıynsha jumystar júrgizip, barlyq ınfraqurylymdyq nysannyń úzdiksiz jumys isteýin qamtamasyz etý boıynsha tıisti sharalardy iske asyrýda.