Almaty qalasynyń polıseıleri Kóktóbe baýraıyndaǵy órtten keıin áleýmettik jelilerde paıda bolǵan vıdeoda beınelengen adamdy izdestirip jatyr, dep habarlaıdy Egemen.kz.
Áleýmettik jelide oqıǵa ornynan túsirilgen vıdeo paıda boldy. Beınerolıkti qarap shyqqan polıseılerdiń nazary ál-Farabı dańǵyly mańyndaǵy jasyl aımaqtaǵy alaýdyń janynda turǵan adamǵa tústi.
Bostandyq aýdany Polısııa basqarmasynyń habarlaýynsha, vıdeoǵa túsirilgen jer anyqtaldy.
«Qazir polısııa qyzmetkerleri tekserý júrgizýde. Qalanyń beınebaqylaý júıeleriniń derekteri tekseriledi. Zańsyz áreketterdi jasaǵan adam anyqtalyp, jaýapqa tartylady», delingen Polisia.kz habarlamasynda.