Mahambet aýdanynyń ákimi laýazymyna Qaırat Nurlybaev taǵaıyndaldy, dep habarlaıdy Egemen.kz.
Atyraý oblysynyń ákimi Serik Shápkenov Mahambet aýdandyq máslıhatynyń depýtattaryna Qazaqstan Respýblıkasy Prezıdenti Ákimshiligimen kelisilgen jańa ákimniń kandıdatýrasyn usyndy. Aýdandyq máslıhattyń depýtattary jańa ákim Qaırat Nurlybaevtyń kandıdatýrasyna qoldaý bildirdi.
Qaırat Esqabyluly 1973 jyly 2 mamyrda Atyraý oblysy, Qyzylqoǵa aýdanynyń Muqyr aýylynda dúnıege kelgen. Bilimi joǵary. Batys Qazaqstan aýyl sharýashylyǵy ınstıtýtyn ınjener-mehanık, H.Dosmuhamedov atyndaǵy Atyraý memlekettik ýnıversıtetin ekonomıst mamandyǵy boıynsha bitirgen.
Eńbek jolyn 1995 jyly Aqtóbe oblysynyń Qobda aýdandyq máslıhatynda aǵa referenti retinde bastady. 1996-1997 jyldary Atyraý oblysy, Qyzylqoǵa aýdanyndaǵy «Muqyr» aksıonerlik qoǵamynda jóndeýshi-tehnık bolyp jumys istegen. 1999 jyldan Muqyr selolyq okrýgi ákimi apparatynyń mamany, Muqyr selolyq okrýginiń ákimi, Qyzylqoǵa aýdandyq kommýnaldyq menshik, kóriktendirý, qurylys jáne turǵyn-úı sharýashylyǵy bóliminiń meńgerýshisi laýazymyn atqardy.
Odan keıin Qurmanǵazy aýdanynyń Shortanbaı selolyq okrýginiń ákimi, Qurmanǵazy aýdandyq ishki saıasat, jer qatynastary bólimderiniń basshysy, sondaı-aq Maqash selolyq okrýginiń ákimi bolǵan. 2008-2012 jyldary Inder aýdany ákimi apparatynyń basshysy, 2012-2019 jyldary atalǵan aýdan ákiminiń orynbasary, 2019 jyldyń maýsym aıynan oblystyq aýyl sharýashylyǵy basqarmasynyń basshysy bolyp jumys istegen.
Al, 2021 jylǵy qańtardan osy taǵaıyndaýǵa deıin Atyraý oblysy ákiminiń orynbasary laýazymyn atqaryp keldi.