Búgin Ekologııa, geologııa jáne tabıǵı resýrstar mınıstri Serikqalı Brekeshev Eýropalyq qaıta qurý jáne damý bankiniń (EQDB) vıse-prezıdenti Alan Pııýmen kezdesti, dep habarlaıdy Egemen.kz.
Kezdesý barysynda taraptar metan shyǵaryndylaryn azaıtý úshin ózara yntymaqtastyq jáne Qazaqstanǵa qoldaý kórsetý týraly Memorandýmǵa qol qoıdy.
EQDB Qazaqstannyń energetıka jáne gaz tasymaldaý, aýyl sharýashylyǵy, qatty-turmystyq qaldyqtar men sý burý salasyndaǵy negizgi sektorlarǵa basa nazar aýdara otyryp, osy baǵyttaǵy kúsh-jigerdi qoldaýǵa nıetti.
Memorandýmdy iske asyrý sheńberinde taraptar metandy azaıtý salasyndaǵy jobalardy birlesip iske asyrýǵa, sondaı-aq eń úzdik halyqaralyq praktıka men standarttarǵa sáıkes gazdyń osy túrin retteýdiń jańa quraldary boıynsha múmkindikterdi paıdalanýdy qaraýǵa daıyn.
Memorandým eldiń 2060 jylǵa qaraı kómirtegi beıtaraptyǵyna qol jetkizýine yqpal etedi.