Jańalyqtar jalǵasyn tabýda

Shaǵyn qala sanatynda biraz ıgilikti isterdiń ordasyna aınal­ǵan Jańaózende turǵyndar men munaıshylar, áleýmettik sala qyzmetkerleri úshin jaqsy ister az emes. Jyl basynan beri qala irgesindegi Qyzylsaı aýyly men munaı kásipshiligi aýmaǵynan zamanaýı eki avtobeket paıdalanýǵa berilse, Jańaózen qalasynyń ózinen 500 oryndyq «Medıker» densaýlyq kesheni tapsyryldy. Mańǵystaý oblysynyń ákimi A.Aıdarbaevtyń Jańaózen qala­syna issapary barysynda taǵy jańa nysandardyń tusaýy kesildi. Onyń biri – zamanaýı úlgi­de salynyp, talapqa saı jabdyq­­­­­talǵan órt sóndirý de­posy. Jyl jarymǵa jýyq ýa­qyt qurylys aımaǵyna aı­nalǵan tórt qabatty nysan alty kireberisten tura­dy. Onda baılanys bólmesi, órtke qarsy qural-jabdyqtar saqta­latyn qoıma, 20 oryndyq jataqhana, qyzmetkerler men olardyń otbasyna arnalǵan 1,2,3 bólmeli páterler, oqý-jat­tyǵý orny, qyzmettik bólmeler men sharýashylyq bólmesi, ózge de jumys júrgizýge qajetti turaq­jaılar bar. О́rt sóndirý úshin halyqaralyq talaptarǵa saı teh­nıkalarmen, jabdyqtarmen ja­raqtandyrylǵan qýatty baza­sy bar depo ǵımaraty arhıtek­tý­ra­lyq turǵydan da kóz tartady. Qazaqstan Respýblıkasy Úkimeti men Tótenshe jaǵ­daı­lar mınıstrliginiń, Mańǵystaý oblys­tyq ákimdigi men TJM Mańǵystaý oblys­tyq departa­mentiniń qol­daýymen respýblıkalyq bıýdjet esebinen boı kótergen órt sóndirý deposy Jańaózen qa­lasy úshin barynsha qajet­ti oryn. О́mir bolǵan soń ke­leńsizdikter bolmaı tur­maıdy, al 130 myńnan as­tam turǵyny bar, birneshe áleý­mettik-qoǵamdyq nysandar men óndiristik qalada tehnıkalyq jáne tabıǵı apattardy bylaı qoıǵanda, turmystyq aǵattyqtardyń oryn alýy bek múmkin. О́tken jyldary tek Jańaózen qalasy boıynsha 170-ke tarta órt oqıǵasy tirkelgen. Al jaqyn mańdaǵy aýyldardy qosqanda, órt sóndirý qyzmetiniń aýyrt­palyǵy men aýqymy, jaýap­kershiligi eselene túsetini anyq. Bul aldyn ala saqtanýdy, apat­ty jaǵdaılardyń aldyn alýǵa daıyn bolýdy jáne jumyldyrý kúshiniń berik bolýyn qajet etedi. Taǵy bir jaǵymdy jaǵy – depo iske qosylǵan soń 140 adamǵa ja­ńa jumys orny ashylatyn bo­lady, bul «Jol kartasy» mem­lekettik baǵdarlamasyn júzege asyrý barysyndaǵy is. Qazaqstan Respýblıkasy Tó­tenshe jaǵdaılar mınıstr­ligi О́rt­­ke qarsy qyzmet ko­mıtetiniń tór­­aǵasy S.Áýbá­kirov pen aımaq bas­shysy A.Aıdarbaev qatysqan sal­tanatty sátte depo­nyń ashylýy­men sala qyzmet­kerleriniń tur­ǵyn úı máselesi de sheshimin taba­tyndyǵy basa aı­tyldy, son­daı-aq, kóńildegideı kórikti nysan syı­laǵan «Fırma «Jak-Jal» JShS basshysy D.Qurbanbaevqa alǵys aıtyldy. 2016 jylǵa deıin eli­­mizde 13 órt sóndirý deposy sa­lyn­­baq. Turǵyndardyń sanyna qa­­raı olar­dyń kólemi de ártúrli bolmaq. О́rt sóndirýshiler árbir úı men mekemede qaýipsizdikti qamta­masyz etip qadaǵalap tura almaıdy, biraq órt bola qalǵan jaǵ­daıda ony dereý eńserip, adam­dar ómirin qutqaryp, orasan mate­rıaldyq shyǵyndy boldyrmaý úshin jantalasa otpen alysady. Jańaózendegi jańa depo aýlasynda on shaqty órt sóndirý kóligi «quıryq-jalyn túıip» saqadaı-saı tur. Dabyl qaǵylsa, ómirge arasha túsý úshin júıtkı jónelmek. Jańaózen qalasyna issapar­daǵy aıaldaǵan kelesi oryn «Samal» shaǵyn aýdanynan saly­nyp jatqan «Zıba» saýda oıyn-saýyq kesheniniń qurylys alańy boldy. Jalpy quny 635 mln. teńge turatyn bul joba – qaladaǵy alǵashqy saýda oıyn-saýyq kesheni bolýymen de erekshe. Joba bastamashysy jeke kásipker G.Orazova qurylysqa negizinen óz qarajatymen kirisse, qo­sym­sha Jańaózen qalasy kásip­kerligin damytýdyń 2012-2014 jyldarǵa arnalǵan baǵ­dar­lamasy men Ja­ńa­ózen qa­lasyn áleýmettik-eko­­no­mıka­lyq damytýdyń 2012-2020 jyl­darǵa arnalǵan keshen­di jos­pary» kómekke kelip, qol­daý bolǵan. Qazir qurylys-mon­tajdaý jumys­tary júrip jat­qan nysan bıyl jaz mezgilinde jańa­ózendikterdi qýanyshqa bóleıdi degen meje bar. Jańaózendegi sapar odan ári «Jańaózen qalasyn áleýmettik-ekonomıkalyq damytýdyń 2012-2020 jyldarǵa arnalǵan keshendi jospary» aıasynda qolǵa alynǵan óndiristik alańda jalǵasty. Injenerlik-ınfraqurylym ju­mystary qyzý qolǵa alynǵan alańda polımer sehy, ájethana qaǵazyn daıyndaıtyn seh jáne sýsyn óndiretin shaǵyn zaýyt bolady dep kútilýde. Bıyl tusaýyn kesemiz dep úkilep otyrǵan joba­lar alańyna eki jylda res­pýb­lıkalyq jáne jergilikti bıýdjetten 469 628 myń teńge bólingen. Munaıly qaladaǵy áńgimege kóp ilinetin tus – qubyrlardy tazartý qondyrǵysy mańynda bolyp keledi. Sapar aıasynan bul jer de tys qalǵan joq. Al osy saparda ashylǵan Neke saraıy­nyń tabaldyryǵyn alǵashqy bolyp attaǵan qos shańyraq ıeleri Túr­kııa eline joldama men «О́zen­MunaıGaz» AQ syılaǵan úı kıno­teatryn alyp qýanyshtaryna qýa­nysh qosty. Aldaǵy ýaqytta Jańa­ózen­­de júz oryndyq perzent­hana, aımaq­ta tuńǵysh ret tur­mystyq qal­dyqtardy óńdeı­tin jáne za­rar­syzdandyratyn kombınat, mektep tárizdi jańa nysandar paı­dalanýǵa beriletindigin estidik. Aqshańqan dala tósinde, aptap ystyq qushaǵynda munarta qalqyǵan Jańaózenniń búgingi tynysy osyndaı. Gúlaıym ShYNTEMIRQYZY, «Egemen Qazaqstan». Mańǵystaý oblysy.