Bıyl 1 qyrkúıekten bastap Astanadan – Shymkent baǵytynda qatynaıtyn № 86/85 «Talgo» poıyzy iske qosylǵan bolatyn.
Endi Astana – Jezqazǵan baǵytyndaǵy №65/66 jańa poıyzy el astanasynan Ulytaý baǵytyna kún saıyn qatynaıtyn bolady, dep habarlaıdy «Jolaýshylar tasymaly» AQ. Jańa poıyz jup kúnderi Astanadan, taq kúnderi Jezqazǵannan jóneltiledi. QTJ habarlaǵandaı, «Talgo» poıyzynda 344 oryn bar. Vagondar aýa baptaý júıesimen jáne bıodárethanalarmen jabdyqtalǵan. Ár kýpede rozetkalar bar jáne jol boıynda jolaýshylar fılm kórip, mýltımedııalyq Vputi.kz. portalynan áýender tyńdaı alady.
Sonymen qatar jolaýshylardyń vagon-meıramhana qyzmetterin paıdalanýǵa múmkindigi bar. «Grand» jáne «grand PMR» klasty vagondarda (múmkindigi shekteýli adamdar úshin) dýsh kabınalary da qarastyrylǵan.