20 qyrkúıek kúni tańǵy saǵat 08:57-de Atyraý qalasy, Keńózek aýyly, Kaspıı teńiziniń jaǵalaýyndaǵy Tasqala aýylynan 40 shaqyrym jerde qamys órtendi. Búgil aýmaqty sharpyǵan qara tútin jergilikti turǵyndardyń úreıin ushyrdy, dep habarlaıdy Egemen.kz oblystyq TJ departamentine silteme jasap.
«Saǵat 18:00-degi jaǵdaı boıynsha janý aýmaǵy shamamen 60 gektarǵa ulǵaıdy. О́rtti sóndirý jalǵasýda. Eldi mekenderge qaýip tónip turǵan joq. Atyraý qalasynda kúıik ıisi seziledi. Saǵat 19:40-ta órt «Aq Jaıyq» О́SB aýmaǵyna jaıyldy», delingen habarlamada.
О́rt ornynda telefon jáne radıo baılanysy joq ekenin aıta ketý kerek.
Sınoptıkterdiń aıtýynsha, ońtústik-shyǵystan 5-7 m/s jel soǵady, aýa temperatýrasy +30 S bolyp saqtalady.
Oqıǵa ornyna Atyraý oblysy TJD (31 qyzmetker jáne 10 tehnıka, 1 sý kóligi), «Aq Jaıyq» GPR (20 jumysshy jáne 5 tehnıka), jergilikti atqarýshy organdar (3 jumysshy jáne 3 tehnıka), EО́SJ (15 adam 2 birlik tehnıka) jumyldyryldy.
«Jerdiń batpaqty bolýyna baılanysty órt sóndirý tehnıkalary óte almaı jatyr. Sondyqtan órtti sóndirý múmkin emes. О́rt oshaǵyna shyqqan «TREKOL» avtokóligi batpaqty jerde batyp, tolyǵymen janyp ketti. Zardap shekkender joq. Eldi mekenderge de qaýip tónip turǵan joq. Departamentte jedel shtab quryldy», dep qosty departamentten.
Búgin órtti áýeden sóndirý úshin QR Tótenshe jaǵdaılar mınıstrligi «Qazavıapas» AQ-nyń MI-8 tikushaǵy sý tógetin qurylǵysymen ushýy josparlanǵan.