Elimizde 23 qyrkúıekten bastap Qazaqstan Prezıdenttigine kandıdattardy usyný bastaldy. Alaıda ázirge birde-bir ótinish túsken joq, dep habarlaıdy Egemen.kz.
«Búginge deıin eshkim óziniń kandıdatýrasyn usynǵan joq, birde-bir qoǵamdyq birlestik áli óziniń sezin nemese konferensııasyn ótkizgen joq», dedi Ortalyq saılaý komıssııasynyń hatshysy Muhtar Erman.
Buǵan deıin kandıdattardy usyný 11 qazanǵa deıin jalǵasatynyn habarlaǵan edik. Qazaqstan Respýblıkasynyń Prezıdenttigine kandıdattar usyný quqyǵy belgilengen tártippen tirkelgen respýblıkalyq qoǵamdyq birlestikterge tıesili.
Sondaı-aq OSK partııasyz qazaqstandyqtardyń Qazaqstan Respýblıkasy Prezıdenttigine úmitker bola alatynyn túsindirdi.
Kezekten tys Prezıdent saılaýy 20 qarashaǵa belgilengen.