JASTAR QOLTAŃBASY

Taldyqorǵan qalasynda Qa­zaq­stan Respýblıkasy tuńǵysh Pre­zıdentiniń júldesi úshin IV Halyq sporty oıyndary­nyń jalaýy kóterilgeli de biraz kún boldy. Osy sharapatty shara keshegi kúni “Bir sha­ńyraq astynda birligimiz ja­rasqan” aksııa­symen jalǵasyp, El­ba­sy alleıasyna jınal­ǵan jastar qatary edáýir boldy. Ásirese, ob­lystyq “Jasyl el” jasaqshylary men “Jas Otan” jastar qanaty “Elbasymen bir­gemiz, berik bizdiń irgemiz” atty jastar aksııasynyń aýqymyn keńeıtip, bul kúndi erekshe ynta-yqylaspen ótkizdi. Osy baǵytta Qazaqstan Res­pýb­lı­kasy tuńǵysh Prezıdentiniń saıabaǵyna kóktemde otyrǵyzylǵan myńnan astam qaıyń, emen, shyr­sha, taǵy basqa aǵash kóshetterin kútip-baptap, sýarýmen aınalysty. Budan soń “Meniń úlesim” urany­men jasyleldikter qaladaǵy basqa da baqtardy retke keltirdi. Máse­len, osy kúni  70-ten asa jasylel­dik­ter Qyzylaǵash aýylyndaǵy tasqynnan zar­dap shekken aımaqty kógaldandyrý men kó­riktendirý maq­satynda otyrǵyzylǵan 8 342 túp kóshetti sýaryp, tazalyq  ju­mys­taryn jalǵastyryp, belsene eńbek etti. Oblystyq ishki saıasat depar­ta­mentiniń uıymdastyrýymen “Elba­sy Joldaýy – kósh­basshylyq joly”, “Aýyl – meniń qut mekenim, berekem!”, “Patrıotızm: el men jerdi qur­met­teý”, “Basty qun­dy­ly­ǵymyz: yntymaq, birlik, bereke”, “Jastar – eldiń senim­di bolashaǵy” taqyryptarynda jastar festı­val­deri jeti aımaqta jalǵasyn tapsa, odan ári basqa jerlerde de óris­te­tiletin bol­dy. Aksııaǵa qatysqan oblystyq ishki saıasat departamenti dırektorynyń oryn­ba­sa­ry Ǵalıas­qar Sarybaev ótkizilgen shara­nyń mańyzdylyǵy jaıly oıyn ortaǵa saldy: – Qazirgi kezde oblysta 506 636 jas bol­sa, onyń 395 255-i aýylda, 110 381-i qalada turady. Osyǵan qa­ramastan, jastardyń belsen­di­ligi­men jáne eńbekke degen qul­shynysymen ótkizilgen festıval­der joǵary deńgeıde bolǵanyn aıtýǵa tıispiz. Sońǵy bes jylda ǵana 3692 ju­myssyz jastar “Jasyl el” jasaq­shylary retinde eńbekke tartylsa, olar oblys kóleminde 635894 aǵash kóshetterin otyrǵyzyp, 966,03 gektar jerdi abattandyrýǵa qatysty. Aǵymdaǵy jyly  “Jasyl el” shtabyna respýblıkalyq bıýd­jet­ten 10 mln. 715 myń teńge, ob­lystyq bıýdjetten 15 mln. 969 myń teńge  bólinse,  750 stýdent pen jumyssyz jas eńbekpen qamtyldy. Máselen, sáýir-mamyr aı­la­ryn­da “Jasyl el” jasaqshylary jal­py aýmaǵy 34 gektar jerdi qo­qystan  tazar­typ, 26 190 túp ár­túrli aǵash kó­shet­terin otyr­ǵyzdy, – dedi ol. Jastar “Bir shańyraq as­tyn­da birligimiz ja­ras­qan”, “Elba­sy­men birgemiz, berik bizdiń irgemiz” aksııasyn jastyq ja­lyndarymen órip, bastama baıandylyǵymen erek­shelendi. Olardy qoldaý, ju­myldyrý arqyly kóptegen is-sha­ralardy joǵary deńgeıde ótkizýge bolatynyna kóz jetti.  Bul olar­dyń el men jerge, Memleket bas­shysyna degen kirshiksiz peıili men rııasyz kóńilderiniń aıǵaǵy ispetti boldy. Iá, jetisýlyq jastardyń jalyn­daǵan is-qımyly osylaısha taǵy bir qyrynan kórindi. Kúmisjan BAIJAN, Almaty oblysy. Sýrette: aksııaǵa qatysýshy jastar toby. JÚLDELI BIIKTE – JAS JÚZGIShTER Jaqynda Almatyda Uly Otan soǵysyndaǵy Jeńistiń 65 jyldyǵy aıasynda eskekaıaqpen júzýden elimizdiń chempıonaty bolyp ótti. Osy jarys barysynda óte joǵary nátıjelerge qol jetkizilgenin aıtý lázim. №5 mamandandyrylǵan keshendi balalar men jasóspirimder tehnıkalyq sport mektebiniń oqýshysy Artem Klımovıch úsh birdeı qashyqtyqta – 50, 100 jáne 200 metrge júzýde halyqaralyq dárejedegi sheber normatıvin asyra oryndasa, armııashy Valerıı Iýdın bul normatıvten 100 jáne 200 metrlik qashyqtyqta asyp tústi. Birinshiliktiń bas tóreshisi Iýrıı Kýsın aıtqandaı, Almaty qalasynda sport daryndaryn baýlýdyń jańa ustahanasy paıda bolǵandyǵy jaǵymdy jańalyqqa aınaldy. Bir ǵajaby, naq osyndaı ustahana dep №173 fızıka-matematıka gımnazııasyn aıta alamyz. Bul bilim or­da­sy jarys­tar­ǵa jaı qa­tysyp qana qoımaı, erik-jiger tanytyp, joǵary nátıjelerdi baǵyndyra bildi. Sóıtip, ózderiniń bolashaǵy zor, úmit kúttirer úkili sport­shylaryn barlyq iri jarystarǵa árdaıym jiberip júr. Sonyń bir aıǵaǵy, osy birinshilikte gımnazııa túlegi Ashat Aıtbaev 50 metr qashyqtyqqa súńgýde jáne estafetalyq júzýde ekinshi oryn aldy.  О́zi armandap júrgen sport sheberi normatıvin oryndaý úshin oǵan nebári sekýndtyń onnan eki mezeti ǵana jetpeı qaldy. Iá, muny bir qýanyshtyń bir ókinishi desek te, mereılener jaılar jeterlik. Atalmysh gımnazııa oqýshylary Alýa Myrzabaeva, Nurbolat Tóstemirov, Asqar Dúısebaev, Baqytnur Smatov, Aısultan Dildábekov, Daıan Qalı sııaqty jas júzgishter estafetalyq  júzýde júldeli bıikterden kórindi. Gımnazııanyń byltyrǵy túlekteri Alýa Ospan men Ashat Aıtbaev ótken jyldyń sáýirinde Túrkııanyń Ystambul qalasynda ótken Álem kýbogynyń qola júldegerleri atanǵan edi. Sodan beri gımnazııa oqýshylary Almaty qalasynyń jáne elimizdiń barlyq birinshilikterinde udaıy júldeli jeńisterdi ýystarynan shyǵarǵan emes. Qazaqtyń jas júzgishteriniń jeńis aıdyny laıym keńeıe bergeı. Qorǵanbek AMANJOL, ALMATY. OLJAS OLJALY ORALDY Astana qalasynda ótken “Aq kó­ger­shin” IV  halyqaralyq baı­qaýyn­da  elimizdiń bar­lyq oblystarynan, kórshiles memleket­ter­den kelgen 1500-ge jýyq ánshi, bıshi, kúıshi bal­dyrǵandar ónerlerin synǵa saldy. Baı­qaý­ǵa bizdiń oblystan da bir top  ónerpaz barǵan bolatyn. Baıqaýdyń “Halyqtyq aspap” nomı­nasııasyna dombyralaryn ar­qalap kelgen 54 bala joǵary topta, al 20 bala kishi topta óner kórsetti. Bul nomınasııada Gran-prıdi Qa­zan­ǵap atyndaǵy balalar óner mek­te­biniń 3-synybynda oqıtyn Oljas Qazymbetov jeńip aldy. Kishkentaı dombyrashy baıqaýda alǵashqy kezeń­de Qurmanǵazynyń  “Kók ala at”  kúıin, ekinshi kezeńde “Adaı­dy” tar­typ, qazylardyń kóńilinen shyq­ty. Ol qazirdiń ózinde tókpe kúılerdi babyna keltirip oryndaıdy eken. Buǵan deıin “Biz Astanamen qurdaspyz!” qalalyq baıqaýynda maqtaý qaǵazyn  alǵan óndirdeı ónerpaz jas mýzykanttardyń 43 oblystyq festıval-baıqaýynda II dárejeli dıplommen mara­pattalyp­ty, Qazanǵap atyndaǵy balalar óner mektebinde mektepishilik baıqaýda joǵa­ry top arasynda básekege túsip, alpysqa jýyq ónerpazdyń arasynan I oryndy ıele­nipti. Oljas tek ónerde ǵana emes, ózi oqý úzdigi de kórinedi. Satybaldy SÁÝIRBAI, Aqtóbe oblysy.