Asyǵa kútken kezdesý

Abaı oblysyn qurý máselesinde Qasym-Jomart Kemelulynyń saıası qarym-qabileti men kóregen dıplomatqa tán qaıratkerlik eńbegi jatyr. Shyn máninde, 25 jyl ishinde Semeı Shyǵys Qazaqstannyń quramynda bolyp, ózge qalalar sekildi qurdymǵa ketip qalǵan joq. Isker azamattar men halyqtyń arqasynda shaharymyz óziniń bet-beınesin saqtap qaldy. Biraz qıyndyq bolǵany belgili.

Naýryz aıynda Memleket basshysy Abaı oblysynyń qurylatynyn aıtqan­da keýdemizdi qýanysh kernedi. Semeı týraly oı qozǵaǵanda, birneshe máseleni bólip aıtar edim. Birinshiden, taıaýda Prezıdent qasıetti Túrkistan elimizdiń tarıhı-mádenı ortalyǵyna aınalady dep aıtqan edi. Ras, kıeli Túrkistan bul mártebege ábden laıyq. Keıingi jyldary atalǵan shaharda júrgizilgen jumystar kópshilikti tańǵaldyryp otyr. О́ńirimizge jasaǵan saparynda Qasym-Jomart Toqaev jaýapty organ­darǵa Semeıdi mádenı-rýhanı orta­lyqqa aınaldyrýǵa baılanysty tapsyr­ma berdi. Jasyratyny joq, muny iske asyrý úshin qomaqty qarajat pen qa­jyrly eń­bek qajet. Onyń barlyǵy al­daǵy ýa­qytta júzege asyrylady dep oılaımyz.

Prezıdent jergilikti halyqpen kezdesý kezinde óńirdi damytýǵa baılanys­ty oramdy oılary men ilkimdi bastamalaryn ortaǵa saldy. Aıtalyq, jańa­dan jylý elektr ortalyǵy men zaman talabyna saı kópir salý, ábden tozyǵy jetken ınjenerlik ınfraqurylymdy jańartý – Semeıde uzaq jyldan beri laıyqty sheshimin taba almaı júrgen ózekti máselelerdiń biri.

Ǵalym bolǵandyqtan, ásirese ǵy­lym men bilimge baılanysty aıtqan bas­­tamalary kóńilge úlken úmit uıala­typ otyr. Onyń ishinde sheteldik irgeli ýnı­versıtetterdiń bólimshelerin qala­myzda ashý jónindegi bastama quptar­lyqtaı. Ǵylymǵa jastardy kóptep tartý boıynsha Prezıdent birqatar tapsyr­ma júktedi. Bul baǵytta bizdiń ýnı­versıtet jumysty bastap ketke­nin aıta ketken oryndy. Sondaı-aq Memle­ket basshysy Semeıde IT-mek­tep­terdi ashý­dyń ma­ńyz­dylyǵyna toqtal­dy. Jańa óner­kásip oryndary men zaman talaby­na saı me­dı­sınalyq ortalyq­tardy ashýǵa baıl­anysty jaqsy jańalyqtar da aıtyldy.

Budan bólek, qazir álemde qalyptas­qan kúrdeli geosaıası ahýalǵa da toq­ta­­lyp, Memleket basshysy ortaq shańy­ra­­ǵ­y­myz birligi men yntymaǵy jaras­­qan – Qazaqstandaǵy beıbit ómir men turaqtylyqty saqtaýdyń qan­sha­lyqty mańyzdy ekenine nazar aýdardy. Rasymen de, pandemııadan endi aıy­ǵyp kele jatqanda jahandaǵy jaǵdaı alańda­tar­lyqtaı. Alysqa barmaı-aq, kórshiles Reseı men Ýkraınanyń arasyndaǵy, sondaı-aq Ázer­baıjan men Armenııanyń arasyn­daǵy jáne baýyrlas Qyrǵyzstan men Tájik­­stan­ arasyndaǵy daǵdarys álemniń qanshalyqty názik ekenin baıqatyp otyr. Sondyqtan elimizdegi bereke-birlikti saqtaý qazir asa mańyzdy.

Sondaı-aq Prezıdent Muhtar Áýezov pen Qaıym Muhamedhanovqa arnal­ǵan «Ustaz ben shákirt» eskert­kishin ashty. Buny tek Muhtar men Qaıym­ǵa ǵana arnalǵan kórkem kompozı­sııa dep qabyldamaǵan jón. Bul tutas­taı bilim berý salasynda qyzmet etip kele jatqan ustazdar men shákirt­terge kórsetilgen qurmet dep qabylda­dyq. Memleket basshysynyń óńirge sapary jemisti boldy dep oılaı­myn. Aldaǵy ýaqytta Qasym-Jomart Toqaev aıtqan nusqaýlyqtar tıimdi júzege asyrylsa, onda Abaı oblysy gúldenip, órkendeı túsedi degen senimimiz mol.

Arap ESPENBETOV,

fılologııa ǵylymdarynyń doktory, professor,

Abaı oblysy