Sońǵy jyldary oblysta bilim berý salasyn qarjylandyrý kólemi ulǵaıyp, metepterdiń materıaldyq-tehnıkalyq bazasy nyǵaıa tústi. Ásirese, sońǵy 3 jylda oblystaǵy 117 mekteptiń lıngofondyq, mýltımedııalyq jáne 92 bıologııa, fızıka, hımııa kabınetteri zamanaýı qajetti quraldarmen jabdyqtaldy. 138 mektepke 690 ınteraktıvti taqta ornatyldy. Mektepterdiń deni kúrdeli jáne aǵymdaǵy jóndeýden ótkizildi. Jyl saıyn jańa mektepter paıdalanýǵa berilip jatyr.
“Almaqtyń da salmaǵy bar”, memleket qamqorlyǵyna jambyldyq ustazdar men oqýshylar sapaly bilim, sanaly tárbıemen jaýap berýde. О́tken jyly oblys ortalyǵyndaǵy №№14, 8 jáne 45 mektep-gımnazııalary men “Daryn” mektep-ınternaty, “Aısha bıbi” atyndaǵy qazaq-túrik qyzdar lıseıi respýblıka boıynsha eń úzdik 100 mekteptiń qataryna qosyldy.
Jaqynda oblys ákimi Qanat Bozymbaev jalpy bilim beretin pánder boıynsha ótken respýblıkalyq, halyqaralyq olımpıadalar men ǵylymı joba jarystarynyń jeńimpazdary men júldegerlerin qabyldady. Olarmen birge A.Sadyqova, A.Nııazbekova, Sh.О́serova sııaqty mektep dırektorlary men ulaǵatty ustazdar da boldy.
Oblys ákiminiń qurmetine bólengen 44 oqýshynyń 21-i bıyl mektep bitirmekshi. Olardyń arasynda qazirdiń ózinde keıbir joǵary oqý oryndarynyń bilim granttaryna ıe bolǵandar da bar. Baký qalasynda jýyrda ǵana bolyp ótken halyqaralyq Mendeleev olımpıadasynyń altyn medalin ıelenip qaıtqan J.Serimbetov, A.Shahızadaev ta oblys mektepteriniń maqtanyshtary.
Ákimniń qabyldaýynda bolǵan úzdik oqýshylar noýtbýk, kompıýter sııaqty baǵaly syılyqtarǵa ıe boldy. “Balam” dep basynan sıpap, baýyryna tartatyn basshysy bar eldiń úlgisi, mine, osyndaı bolady.
Kósemáli SÁTTIBAIULY, Jambyl oblysy.
AKSIIа ATY: “BIZ BIRGE BIIK ShYŃDARǴA JETEMIZ!”
Bilim jáne ǵylym mınıstrliginiń bastamasymen Taraz qalasyndaǵy Qazaqstannyń tuńǵysh Prezıdenti saıabaǵynda “Biz birge bıik shyńdarǵa jetemiz” atty aksııa bolyp ótti. Oǵan “Jasyl el” jastar eńbek jasaǵy, “Qazaqstan aýyl jastary” QB, “Jambyl oblysy aýyl jastary odaǵy” korporatıvtik qory, oblys ákimdiginiń ishki saıasat basqarmasy, “Azamattar alıansy” oblystyq jastar uıymdary qaýymdastyǵynyń ókilderi atsalysty.
Aksııanyń maqsaty jastardy óńirdegi ekologııalyq máselelerdi sheshýdiń joldaryn birge qarastyrý men jasóspirimderge ekologııalyq tálim-tárbıe berý bolyp tabylady. “Jumyla kótergen júk jeńil”. Joǵary oqý oryndarynyń stýdentteri men lıseı jáne mektep oqýshylary, sondaı-aq oblystyq jastar uıymdary aksııa barysynda jalyndy sózderin úlgili isterimen dáleldep, tuńǵysh Prezıdent saıabaǵyna júzdegen kóshetter otyrǵyzdy.
Kósemáli SÁTTIBAIULY, Jambyl oblysy.