QR Ortalyq saılaý komıssııasyna Jumataı Álıevtiń Qazaqstan Respýblıkasynyń Prezıdenttigine kandıdat bolyp usynylǵany týraly qujattary kelip tústi, dep habarlaıdy Egemen.kz OSK-ǵa silteme jasap.
2022 jylǵy 10 qazanda Qazaqstan Respýblıkasynyń Ortalyq saılaý komıssııasyna «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq Zańynyń 54 jáne 55-baptaryna, sondaı-aq «Qazaqstan Respýblıkasy Prezıdentiniń 2022 jylǵy 20 qarashaǵa taǵaıyndalǵan kezekten tys saılaýy boıynsha saılaý qujattarynyń nysandaryn belgileý týraly» Qazaqstan Respýblıkasy Ortalyq saılaý komıssııasynyń 2022 jylǵy 23 qyrkúıektegi № 67/545 qaýlysyna sáıkes Jumataı Álıevtiń «Halyq demografııasy» qoǵamdyq birlestiginen Qazaqstan Respýblıkasynyń Prezıdenttigine kandıdat bolyp usynylǵany týraly kelesi qujattary usynyldy:
1. «Halyq demografııasy» qoǵamdyq birlestiginiń joǵary organy otyrysynyń Qazaqstan Respýblıkasynyń Prezıdenttigine usyný týraly hattamasynan úzindi;
2. J. Álıevtiń Qazaqstan Respýblıkasynyń Prezıdenttigine kandıdat bolýǵa kelisimi týraly ómirbaıandyq derekteri qosa berilgen ótinishi;
3. Qazaqstan Respýblıkasy Ortalyq saılaý komıssııasynyń shotyna saılaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly dıplomdarynyń kóshirmeleri.