OPEC elderi bıylǵy munaı óndirisin taǵy da qysqartpaq. Osylaısha, atalǵan uıymǵa múshe memleketter bir jylda tórtinshi ret shyǵarylatyn qara altyn kólemin azaıtýǵa kelisti. Munyń sebebi retinde OPEK elderi ekonomıkalyq ósimniń baıaýlaýyn, Qytaıdaǵy koronavırýstyq shekteý sharalarynyń kúsheıýin jáne ınflıasııanyń joǵarylaýyn alǵa tartyp otyr.
Munaı óńdeýshi elder uıymynyń (OPEK) keltirgen málimetine súıensek, bıyl qara altynǵa suranys kúnine 2,64 mıllıon barrelge kóbeımek. Iаǵnı ósim 2,7 paıyzdy qurap otyr. Biraq buǵan deıingi boljamnan 460 myń barrel az.
«Álem ekonomıkasy turaqty ınflıasııanyń joǵary deńgeıi, iri ortalyq bankterdiń aqsha saıasatyn qatańdatýy, kóptegen aımaqtaǵy táýelsiz qaryz deńgeıiniń joǵarylaýy, sondaı-aq jetkizilý tizbeginiń buzylýy saldarynan belgisizdik pen qıyndyq kúsheıgen kezeńge aıaq basty», delingen OPEK esebinde.
Suranystyń tómendeýi jónindegi boljam jyǵylǵanǵa judyryq bolatyn sekildi. О́tken aptada OPEK+ elderi 2020 jyldan beri munaı óndirisi kólemin aıtarlyqtaı qysqartýǵa kelisken edi. Amerıka Qurama Shtattary bul sheshimdi synǵa aldy. Degenmen sársenbide AQSh Energetıka mınıstrligi de 2023 jyly jahandyq óndiris pen tutynýǵa qatysty boljamyn jańartqan-dy.
Aqúı basshysy Djo Baıden OPEK+ elderiniń munaı óndirisin azaıtý týraly sheshimin aıyptap, Saýd Arabııasyna ses kórsetti. AQSh Prezıdenti qara altyn shyǵaratyn elderdiń mundaı qadamǵa barýyna Reseı yqpal etip otyr dep esepteıdi. Osydan keıin AQSh Senatynyń halyqaralyq qatynastar komıtetiniń tóraǵasy Bob Menendes Saýd Arabııasymen yntymaqtastyqty, sonyń ishinde qarý-jaraq satýdy dereý toqtatýy kerek dep málimdegen edi.
Saýd Arabııasy óz kezeginde AQSh-tyń synyn «faktilerge negizdelmegen» dep esepteıtinin jetkizdi. Sondaı-aq Vashıngtonnyń qysqartýdy bir aıǵa keıinge qaldyrý týraly ótinishi teris ekonomıkalyq saldarǵa ushyratatynyn alǵa tartty.
«OPEK+ sheshimi konsensýs arqyly qabyldandy, suranys pen usynys teńgerimi eskerildi jáne naryqtaǵy qubylmalylyqty aýyzdyqtaýǵa baǵyttalǵan», dep habarlady Saýd Arabııasynyń syrtqy ister mınıstrligi.
Áıtse de bıylǵy ósim kórsetkishi burynǵyǵa qaraǵanda joǵary ekenin aıta ketken jón. О́ıtkeni koronavırýs pandemııasyna baılanysty álemde qara altynǵa suranys aıtarlyqtaı azaıyp ketken edi. Karantındik shekteý sharalary alynǵanymen, burynǵydaı deńgeı saqtalǵan joq.
OPEK-tiń esepteýinshe, keler jyly suranystyń kólemi táýligine 2,34 mıllıon barrelge deıin azaıady. Bul buǵan deıingi boljamnan 360 myń barrelge kem. Sóıtip bir kúndegi óndiris kólemi 102,02 mıllıon barreldi quraıdy. Osylaısha, OPEC 2023 jyly álemdegi qara altynǵa suranys pandemııaǵa deıingi deńgeıdi qýyp jetedi dep esepteıdi.
Esterińizde bolsa, OPEK+ elderi bıylǵy qarasha aıynan bastap munaı óndirisin táýligine 2 mln barrelge azaıtýǵa kelisti. 5 qazanda Vena qalasynda (Aýstrııa) OPEK+ kelisimine qatysýshy elderdiń mınıstrlik otyrysy ótken-di. Oǵan elimizdiń atynan Energetıka mınıstri Bolat Aqsholaqov qatysty.
Otyrys barysynda elderdiń tamyz aıynda Kelisim mindettemelerin oryndaýy talqylandy. Kelisimdi 2023 jylǵy 31 jeltoqsanǵa deıin uzartý týraly sheshim qa