Qol jetpeıtin «qolaıly orta»

Oblys ákimdiginiń máli­metine sáıkes, qazir óńirde mú­ge­dektigi bar adamdar úshin qolaıly ortany qurýǵa baılanysty jumystar qolǵa alyndy. Máselen, 2025 jyl­ǵa deıin memlekettik qyzmet kór­se­tetin 575 nysandy beıimdeý jos­parlanyp otyr. Bul týraly óńir basshysy aıtty. Ol erekshe qajet­tilikteri bar azamattardyń kez kelgen máselesin jedel sheshýge arnalǵan úılestirý keńesin qurý jónin­degi bastamany qoldaıtynyn jet­kizdi.

Qazir oblysta «Invataksı» qyz­­me­tiniń 15 avtokóligi ju­mys istep keledi. 841 orynǵa shaq­­talǵan 5 oblystyq medı­sı­nalyq-áleýmettik uıym, son­daı-aq kúndizgi jáne úı jaǵ­daıyndaǵy 4,2 myń adamdy qamtıtyn 13 aýmaqtyq orta­lyqtyń qyzmeti jolǵa qo­ıylǵan.

Múmkindigi shekteýli jan­dar­dyń múddelerin qorǵaı­tyn qoǵam bel­sen­dileri oblys ákimine olardyń ózekti máselelerin jedel sheshetin úı­lestirý keńesin qurýdy usyn­dy. О́z tarapynan óńir basshysy bul bastamany tek qoldaıtynyn, sondaı-aq bul baǵyttaǵy jumystardy qar­qyn­datýǵa daıyn ekenin jetkizdi.

Qoǵammen baılanysty kú­sheı­tip, týyndaǵan problemalardy qadaǵalaý maqsatynda N.Uranhaev erekshe qajettiligi bar Rýslan Erem­ba­evty óziniń shtattan tys ke­ńes­shisi etip taǵaıyndady.

«Oblys qurylǵan sátten bastap erekshe qamqorlyqty qajet etetin balalardyń ata-analarymen birneshe ret kezdestim. Sizderdiń ózekti máse­le­lerińizdi bilemiz, ha­bar­dar­myz. Olardy kezeń-kezeńi­men sheshýge den qoıylady.

Halyqtyń qozǵalysy baıaý top­ta­rynyń júrip-turýyna yńǵaı­ly bolýy úshin kedergisiz orta qalyptastyrýǵa kúsh salynady. Erekshe qajettiligi bar adamdardyń qoǵamdyq kólikte tegin jol júrýine baılanysty, sondaı-aq ońaltý, medısınalyq qyzmet kórsetý boıynsha máse­leler pysyqtalatyn bolady», dedi N.Uranhaev.

Qazir Qaraǵaıly shaǵyn aýda­nynda 150 orynǵa arnalǵan Ońal­tý ortalyǵynyń qurylysy aıaqtalýǵa jaqyn. Budan bólek, Semeıdegi №1 arnaýly áleý­mettik qyzmetter kór­setý orta­lyǵy men Úrjardaǵy bala­lar ortalyǵyna qosymsha korpýs salý máselesi qarastyrylyp jatyr.

Bul rette óńirde erekshe qajet­ti­likteri bar 28 myńnan astam adam turatynyn aıta ket­ken oryndy. Onyń 3 myńy – balalar. Taıaý­da halyqtyń baıaý qozǵalatyn top­ta­ry­nyń yńǵaılylyǵy úshin aspaly kópir astyndaǵy qoǵamdyq ke­ńis­­tik­te jaıaý júrginshiler ótke­li salyndy.

Qazannan bastap óńirde «Qa­ıy­rym­dylyq aılyǵy» aksııa­sy bas­talyp, onyń aıasynda bir­qatar ju­mysty iske asyrý kóz­del­gen.

Osy oraıda bıyl oblys or­ta­ly­ǵynda balalardy ońaltý or­ta­ly­ǵy jáne balalarǵa ar­nalǵan «Qam­qor­lyq» erte aralasý ortalyǵy ashylǵanyn aıta keteıik.

Abaı oblysy