MEKTEPTIŃ JÚREGI – MUǴALIM

“Aqparattyq tehnolo­gııalar zamanynda oqýshy muǵalimniń aldynda ketip barady. Qazir muǵalim bolý ońaı emes. Sondyqtan da qazirgi mektep oqytýshy­la­ry burynǵydan da eki ese kóp izdenip, ýaqytqa ilesip oty­rýy kerek. Búgingi oqýshynyń aldynda shyn bedeldi bolý úshin muǵalimderge shyn má­ninde bilimdi, jaýapkershi­likti, myqty psıholog bo­lýǵa týra keledi”, deıdi O.Jáý­tikov atyndaǵy da­ryn­dy balalarǵa arnalǵan Res­pýblıkalyq mamandan­dy­rylǵan fızıka-mate­ma­tıka mektep-ınternaty janyn­daǵy “Keleshek” mek­tebiniń dırektory Gúlshar­ban Sabýrova. Bıyl barlyq mektepterde túlek­ter úshin sońǵy ret syldyr qaqqan sońǵy qońyraý rásiminiń erekshe­likteri bar. Almatydaǵy birqatar mektepterdegi jyl jabar saltanatyna kýá bolyp, osyndaı paıymǵa keldik. Elimizdiń erteńi bıyl EQYU-ǵa tóraǵalyq etip otyrǵanymyzdy maqtanysh kóredi. Sondaı-aq Uly Jeńistiń 65 jyldyǵymen tuspa-tus mektep támámdap otyrǵan túlekter osy oqıǵalardy ulyqtap, maqtanysh tutatynyn bildik. Bıylǵy sońǵy qońyraý salta­natyna matematıka, ınformatıka men fızıka pánderin tereńdetip oqytatyn “Keleshek” mektebi de aýyz toltyryp aıtarlyqtaı tabystarmen kelip otyr. Mektep bilim berýdiń barlyq sony jańalyqtaryn engizip ǵana qoımaı, aıaqtalǵan oqý jylynda matematıkalyq logıka atty jańa pándi dendep endirgen. Oǵan qosa mektep oqýshylarynyń túrli olı­m­pıadalarda, ıntellektýaldyq baı­qaý­lar men halyqaralyq jarystar­dan alyp kelgen júldeleri bar. Soń­ǵy qońyraýda balalardyń jarys­tardan jeńip ákelgen dıplomdary men mekteptiń Alǵys hattary ózderine tabystaldy. “Keleshek” mektebin basqa aqyly mek­tepterden daralaıtyn ne desek, al­dymen mundaǵy shákirtter atal­mysh pánder boıynsha 5 synyptan bas­tap arnaýly qabyldanǵan baǵ­darlamalar arqyly joǵary deń­geıdegi daıyn­dyq­tan ótedi. Olımpıa­dalarda júldeli or­yndardan tabylǵan talantty balalar men úzdik oqyǵandar alǵash­qylar qata­rynda O.Jáýtikov atyn­daǵy daryndy bala­larǵa arnalǵan Res­pýblıkalyq ma­man­­dandyrylǵan fı­zı­ka-matematıka mek­tep-ınternatyna 9 synyptan bastap emtıhansyz qabyl­danady. – Áý basta osyndaı mektepti ashýdaǵy meniń maqsatym da osy bo­latyn. Aýmaly-tókpeli, ekonomıka­nyń qıyn kezeńderinde, qaıta qurý jyldarynda respýblıkalyq fızıka-matematıka mektep-ınternatynyń deńgeıi tómendep ketti. Ásirese elimizdiń túkpir-túkpirinen jınalǵan qabiletti oqýshylardyń matematıka men fızıka páninen bilimi asa kóńil kónshitpedi. Oılana kele, balalardy 8 synypqa deıin óte joǵary daı­yndyqtan ótkizý qajettigine kózim jetti. Sodan 1996 jyly 5 synyptan bastap oqýshylardy matematıka men ınformatıka, 7 synyptan bastap fızıka pánine túbegeıli daıyndaýdy qolǵa aldyq, – deıdi QR Bilim berý isiniń úzdigi, Y.Altynsarın meda­liniń ıegeri Gúlsharban Sabýrova. Qazirgi ozyq tehnologııalardy, ınteraktıvti taqtalardy, mýltıme­dııalyq oqý quraldaryn shyn mánin­de qoldanatyn, onyń ǵajap múmkin­dikterin tereń biletin muǵalimder de osy mektepte. Qazir keıbir mektepter jas, tá­jirıbe jınaqtamaǵan muǵalimderden qashady. “Keleshek” kerisinshe úıre­nýge umtylysy bar jas ustazdardy jumysqa alýǵa qashanda beıil. – О́ıtkeni, jas mamandardyń aqparattyq tehnologııalardan habary bar. Jáne erinbeı-talmaı ózimniń ómir boıy pedagogıka salasynda jı­naǵan mashyǵymdy olarǵa úıretemin. Tez qaǵyp alady, bir kórgenderin um­yt­paıdy. Jańashyl jas muǵalimder qazirdiń ózinde mektepti jetistikterge jeteleı bastady. Oqýshylary olım­pıadalardan júldemen oralýda, – deıdi mektep dırektory. Dırektordyń osy sózin de rastaı ketýge bolady. Mektepke Reseıdegi matematıka muǵalimderi arasynda ótetin baıqaýda eki ret qatarynan júldeger atanǵan Ibragım Ibatýlın jumysqa shaqyrylyp, oǵan balalar­dy halyqaralyq deńgeıde ótetin olımpıadalarǵa daıyndaýdy senip tapsyrǵan. Nátıjesi kóz aldymyzda ótti. Sońǵy qońyraý saltanatynda túrli jarystardyń jeńimpazdary marapattalǵanyn atadyq. Sonyń biri – sońǵy jyldary dástúrli túrde ótkizile bastaǵan fı­zı­ka men matematıka pánderi boı­ynsha oqýshylardyń halyqaralyq Jáýtikov olımpıadasy qazirdiń ózin­de shet memleketterdegi esepke júı­rik oqýshylardyń arasynda aty másh­húr bola bastaǵanyn aıtýǵa tıispiz. Mektepti daralaıtyn taǵy bir tus – mundaǵy oqýshylarǵa mektep qa­byr­ǵasynda júrip-aq ǵylymı joba­larmen aınalysýǵa múmkindik jasa­lynǵan. Oǵan qosa arnaýly mektep baǵdarla­malary shákirtterdiń ózge pánderden aqsamaýyn únemi qadaǵa­lap otyrady. Oqýshylar bos ýaqyt­tarynda shyǵar­mashylyq jumystar­men, óner túrlerimen, sportpen aınalysady. – Búgingi balalar muǵalimderdiń aldyna túsip ketti. Internetti jaqsy biledi. Aqparattyq tehnologııalardy jaqsy meńgergen. Osyndaı jaǵdaıda mektep oqytýshylaryna jumys isteý de ońaı emes. Muǵalimniń ózi kom­pıý­terdiń “qulaǵynda oınaıtyn” qabiletti bolýy kerek. Barlyq ınno­vasııalyq tehnologııalardyń tilin ıgerip otyrýy qajet. Básekege qabi­let­tilik degen osy! – deıdi Gúlsha­r­­ban Qamylbaıqyzy. Sabýrova syndy tájirıbeli peda­gog matematıka ǵylymdardyń pat­shasy ekendigin alǵa tarta otyryp, ýaqyttyń talaby bir basqa, odan bó­lek ata-analardyń talaby da kúsheıip kele jatqanyn aıtady. Ul-qyzy sapaly bilim alý úshin kapıtal salyp otyrǵan jandardyń mektepke jáne muǵalimderge jan-jaqty talap qoıýǵa da qaqysy bar. Aınash ESALI, ALMATY.