Astanada Respýblıka kúni qarsańynda «Qyran elim – Qazaqstanym!» aksııasy bastaldy, dep habarlaıdy Egemen.kz qala ákimdiginiń saıtyna silteme jasap.
Qatysýshylar elordadaǵy memlekettik rámizder alańyna jınalyp, búkil el boıynsha ótetin chellendjdi iske qosty. Elordalyq sportshylar «Qazaqstan – Respýblıkam meniń» óleńin oqyp, estafetany Atyraý qalasynyń sportshylaryna tapsyrdy.
«Memleket basshysy Qasym-Jomart Toqaev zańǵa ózgerister engizip, 25 qazandy ulttyq mereke – Respýblıka kúni dep jarııalady. Biz, Astana qalasynyń sportshylary, Respýblıka kúnin jańa ulttyq mereke retinde atap ótemiz. Osyǵan baılanysty, bizdiń patrıottyq aksııamyzdy 25 qazanda atap ótiletin Respýblıka kúnine oraılastyrý týraly sheshim qabyldandy. Bul chellendjdi Atyraý sportshylaryna tapsyramyz. Aksııa otandyq sportty damytý maqsatynda ótkiziledi. Chellendj tizbek boıynsha elimizdiń ózge qalalary men óńirlerine estafeta retinde beriledi», dedi Olımpıada chempıony, QR Ulttyq Olımpıada komıteti Bas hatshysynyń orynbasary Serik Sápıev.
Aıta ketsek, patrıottyq aksııa qazan aıynyń sońyna deıin jalǵasady.
«Is-sharanyń basty maqsaty – patrıottyq sezimdi nyǵaıtý, halyqtyń birligin sporttyq arenada da kórsetý, elimizdiń osy saladaǵy jetistikterin atap ótý. Qatysýshylar «Qyran elim – Qazaqstanym!» aksııasy alda kele jatqan merekege qurmet kórsetýdiń bir joly, dep baǵalady», dedi qalalyq dene shynyqtyrý jáne sport basqarmasy basshysynyń orynbasary Erkeǵalı Korbozov.
Patrıottyq aksııaǵa kez kelgen adam qatysa alady. Ol úshin qala turǵyndarynyń jeke paraqshalarynda #RespýblıkaKúni, #DenRespýblıkı heshtegterimen beınerolıkter jarııalaý qajet.